ཕྱི་རིག་པ།
ཕྱི་རིག་པ།
བོན་རང་ལུགས་སུ་ཕྱི་རིག་པ་ཞེས་མདོ་འབུམ་གཟུངས་གསུམ་མན་ངག་དང་བཞི་ཡི་སྒོ་ནས་གཙོ་བོ་འཇིག་རྟེན་པའི་འདི་ཕྱིའི་ལེགས་ཉེས་ལ་ཕན་བདེ་སྒྲུབ་ཐབས་ཀྱི་རིག་པའམ་ཐམས་ལམ་ཞིག་ལ་ངོས་འཛིན་གནང་ཡོད།
དེ་ཡང་། མདོ་དྲི་མེད་གཟི་རྗིད་ལས། “བཞི་བ་ཕྱི་ཡི་རིག་པ་ལ།། དེ་ཡང་རྣམ་པ་བཞི་ཡིན་ཏེ།། མདོ་འབུམ་གཟུངས་གསུམ་མན་ངག་བཞི།། ཐོག་མར་མདོ་ལ་རྣམ་པ་གསུམ།། སྣང་སྲིད་ཀུན་གསལ་གཏོ་ཡི་མདོ།། རིན་ཆེན་ཀུན་གསལ་རྩིས་ཀྱི་མདོ།། གཙུག་ལག་གབ་ཙེ་དཔྱད་ཀྱི་མདོ།། གཉིས་པ་འབུམ་ལ་རྣམ་པ་གསུམ།། སྣང་སྲིད་གཏོ་འབུམ་ནག་པོ་དང་།། རིན་ཆེན་ཀུན་འབུམ་ཁྲ་བོ་དང་།། གཙུག་ལག་དཔལ་འབུམ་དཀར་པོ་གསུམ།། གསུམ་པ་གཟུངས་ལ་རྣམ་པ་གསུམ།། སྣང་སྲིད་ཁ་བསྐངས་གཏོ་ཡི་གཟུངས།། རིན་ཆེན་ཀུན་གསལ་རྩིས་ཀྱི་གཟུངས།། གཙུག་ཏོར་དཀར་མོ་གདུགས་ཀྱི་གཟུངས།། བཞི་བ་མན་ངག་རྣམ་པ་གསུམ།། གབ་རྩེ་བྱང་གླིང་དགུ་བསྐོར་དང་།། ཇུ་ཞགས་སྲིད་པའི་འཁོར་ལོ་དང་།། མན་ངག་དུས་འཁོར་རྩིས་འཛིན་གསུམ།། ཕྱི་ཡི་རིག་པའི་བོན་སྡེ་འོ།།” ཞེས་གསུངས་པ་ལྟར་རོ།།
