གདན་ས་ཁྲི་བརྟན་ནོར་བུ་རྩེར་སྟོན་པའི་འདས་མཆོད་འཚོགས་པའི་གནས་བསྡུས།

གཡུང་དྲུང་བོན་ལུགས་འཛིན་པ་དག་གིས་ངེས་པར་དུ་མཁྱེན་རྟོགས་དགོས་པ་ནི་རྫོགས་པའི་སངས་རྒྱས་གཤེན་རབ་མི་བོའི་མཛད་པ་དག་ཡིན་ཞིང་ལྷག་པར་དུ་འཁྲུངས་འདས་ཀྱི་དུས་ཚིགས་གཉིས་ནི་ཅིས་ཀྱང་སངས་རྒྱས་ཀྱི་མཛད་པ་རྗེས་དྲན་གྱི་དུས་ཚོད་གལ་ཆེན་ཞིག་ཆགས་ཡོད། འདི་ག་༧གཡུང་དྲུང་བོན་གྱི་གདན་ས་ཆེན་པོ་དཔལ་ལྡན་ཁྲི་བརྟན་ནོར་བུ་རྩེའི་འདུས་སྤྱི་ནས་ལོ་ལྟར་སྟོན་པ་སངས་རྒྱས་ཀྱི་འཁྲུངས་མཆོད་དང་འདས་མཆོད་སྲུང་བརྩི་ཞུ་བའི་སྲོལ་ཡོད་པ་ལྟར། འདི་ལོ་ཕྱི་ལོ་ ༢༠༢༥ ༡༡ ༡༩ ཉིན་འདས་མཆོད་ཀྱི་སྟ་བོན་ལེགས་པར་བསྒྲུབས་ཏེ་ཕྱི་ཚེས་ ༢༠ བོད་ཤིང་སྦྲུལ་ལོའི་ཧོར་ཟླ་ ༩ ༣༠ ཉིན་༧སྐྱབས་རྗེ་དཔོན་སློབ་ཚངས་པ་བསྟན་འཛིན་རིན་པོ་ཆེ་དབུ་བཞུགས་ཐོག་ཞོགས་པར་གསོ་སྦྱོང་དང་ཉིན་འདིར་བདེར་གཤེགས་སྨོན་ལམ་མཐའ་ཡས་ཀྱི་དཀྱིལ་འཁོར་གཞུང་བསྲང་སྟེ་མཆོད་འབུལ་གསོལ་འདེབས་ཞུས་པ་དང་། དགོང་མོར་དད་ལྡན་རྣམས་དང་འདུས་མང་ནས་སྣང་གསལ་སྒྲོན་མེའི་མཆོད་པ་ཕུལ་ཏེ་འདས་མཆོད་སྲུང་བརྩི་ཞུས་པའི་གནས་བསྡུས་སུ་

མེ་ལོང་ཡེ་ཤེས་དྲ་བའི་གཙོ་སྒྲུབ་པས་༢༠༢༥ ༡༡ ༢༠ ཉིན་སྤེལ། 

པར་ལེན་པ་ཁྱུང་ཐོག་རྒོད།