ལེགས་བཤད་ལམ་རིམ་ལས། ” ཀྱཻ་མ་སྙིགས་དུས་འདིར་སྐྱེས་པའི། །ཁྲི་གཙུག་བསྟན་ལ་གཤེ་བ་ཚོལ། །དེས་ནི་བུ་ཚས་ཕ་ཁུ་ཡི། །རིགས་རྒྱུད་ངན་པ་བཤད་དང་མཚུངས། ། ” ཞེས་གསུངས་སོ། །

དཔལ་ལྡན་ཁྲི་བརྟན་ནོར་རྩེའི་གཤེན་གྱི་གར་འཆམ་ཆེན་མོ།

ལོ་བཞིན་ཧོར་ཟླ་༡ཚེས་༨ཉིན་གདན་ས་ཁྲི་བརྟན་ནོར་རྩེའི་གཤེན་གྱི་གར་འཆམ་ཆེན་མོ་གཟིགས་འབུལ་ཞུ་བའི་དུས་ཚོད་ཡིན་ཞིང་།
སྤྱིར་བཏང་ཧོར་༡༢པའི་ཚེས་༢ནས་བཟུང་རོལ་ཆ་དང་། གར་འཆམ་སྦྱོང་བརྡར་ཚགས་ཚུད་གནང་ནས་༢༥ཉིན་མཁན་སློབ་རྣམ་པ་དང་འདུས་མང་མཉམ་འཛོམ་གྱི་ཐོག་འཆམ་རྒྱུགས་ལེན་སྲོལ་ཡོད། སྐབས་དེར་སྐྱབས་རྗེ་མཁན་རིན་པོ་ཆེ་མཆོག་ནས་གར་འཆམ་གྱི་དམིགས་པ་བཟུང་སྟངས་དང་། རྣམ་འགྱུར་སྟོན་ཚུལ་བཅས་ཀྱི་ཐད་ནས་བླང་དོར་གྱི་མཛུབ་སྟོན་གནང་གི་ཡོད་པ་རེད།
----- (2)༢
ཧོར་ཟླ་༡༢པའི་ནང་གར་འཆམ་སྦྱོང་བརྡར་བྱེད་བཞིན་པའི་སྐབས་ཀྱི་པར་རིས།
འཆམ་མཁན་གྱིས་ཀྱང་ཡི་དམ་ལྷ་དང་སྲུང་མའི་ང་རྒྱལ་བཟུང་ནས་སྐུ་མདོག་ཕྱག་མཚན་རྣམ་འགྱུར་དང་བཅས་པའི་ལྷ་ཞལ་དངོས་སུ་མཇལ་བ་ལྟ་བུའི་ངང་ཚུལ་སྟོན་སྐབས་སུ། དེ་ལུགས་ཀྱི་འདུ་ཤེས་བཟུང་བའི་སྒོ་ནས་དད་མོས་བསྐྱེད་དེ་འདོད་གསོལ་ཕྲིན་བཅོལ་ཞུས་ན། ལོ་ཟླའི་འགལ་རྐྱེན་བར་ཆད་ཐམས་ཅད་བཟློག་ཅིང་མཐུན་རྐྱེན་ཡིད་བཞིན་དུ་འགྲུབ་པའི་དགོས་ཆེད་ཟབ་མོ་ཡོད་པས་དགོན་པའི་ལོ་དུས་ཀྱི་མཛད་སྒོ་གལ་ཆེན་ཞིག་ཏུ་བརྩི་ཡི་ཡོད།
4༤

2

༧3༦1འདི་ལོ་ཡང་ཧོར་ཟླ་༡་ཚེས་༨ཉིན་གྱི་སྔ་དྲོའི་ཕྱག་ཚོད་༩་ཁར་འདུས་མང་ལྷན་འཛོམ་ཐོག ཡེ་ཤེས་དབལ་མོའི་གར་འཆམ་དང་། སྲིད་རྒྱལ་དུས་དྲུག རྣམ་བརྒྱད། གཤེན་རབ་དགུ་འཆམ། སེང་འཆམ། མ་རྒྱུད། ཤ་འཆམ། གཟེ་མ་དགུ་འཆམ། གཡག་འཆམ་བཅས་གཟིགས་འབུལ་ཞུས་ནས་ཕྱི་དྲོའི་ཕྱག་ཚོད་༡།༠ཐོག་མཇུག་གྲུབ་པའི་གནས་བསྡུས་སུ་ཏི་སེའི་བུ་ནས་༢༠༡༦།༢།༡༥།ཉིན་སྤེལ།

(སྤྱིའི་གཟིགས་གྲངས། 44 དེ་རིང་། 1)

གཤམ་གྱི་རྩོམ་ཡིག་རྣམས་ལ་སྐུ་ཉིད་ཐུགས་མཉེས་པོ་ཡོང་སྲིད།

དཔྱད་མཆན་སྤེལ།

ཁྱེད་ཀྱི་གློག་ཡིག་གི་ས་གནས་དེ་ཁྱབ་སྤེལ་བྱེད་ཀི་མིན། རྟགས * ཅན་ངེས་པར་དུ་བླུགས་དགོས།

མཚམས་སྦྱོར། རྩོམ་ཡིག་གོང་མ།
སྤུ་རྒྱལ་ར…
error: རྩོམ་འདི་བདག་དབང་ཅན་ཡིན།