དྲན་བསྐུལ་གསལ་བརྡ།
༄༅། ༧སྐྱབས་རྗེ་ཡོངས་འཛིན་སྨྲ་བའི་དབང་པོའི་སྐུ་གསུང་ཐུགས་ཀྱི་མཛད་པ་ལ་དད་འདུན་དང་མཁྱེན་དཔྱོད་རབ་ཏུ་ཡངས་པའི་མཚུངས་མེད་མཁྱེན་ལྡན་རྣམས་པར་ཞུ་གསོལ།
དེ་ཡང་སངས་རྒྱས་གཡུང་དྲུང་བོན་གྱི་བསྟན་པ་ལ་བཀའ་དྲིན་བླ་ན་མ་མཆིས་པ་རང་ཅག་བོན་འབངས་ཡོངས་ཀྱི་མེ་ཏོག་གང་ལ་ཕོག་པའི་ལྷ་སྐལ་འདི་ཕྱིའི་སྐྱབས་གནས་དམ་པ་གསང་གསུམ་བོན་གྱི་མཛོད་འཛིན་༧སྐྱབས་རྗེ་ཡོངས་འཛིན་སྨྲ་བའི་དབང་པོ་རིན་པོ་ཆེ་མཆོག བསྟན་འགྲོའི་དོན་དུ་རིག་འཛིན་ཚེ་ཡི་རྒྱལ་པོའི་སྐུ་རུ་བཞེངས་ནས་དགུང་གྲངས་བརྒྱ་ལ་ཕེབས་པའི་བརྒྱ་སྟོན་གྱི་སྐལ་བཟང་དགེ་བའི་དུས་བཟང་ལ། མཆོག་གི་སྐུ་ཚེ་ཧྲིལ་པོར་སངས་རྒྱས་གཡུང་དྲུང་བོན་གྱི་བསྟན་དོན་དུ་སྐུ་གསུང་ཐུགས་གསུམ་གྱིས་རླབས་ཆེའི་མཛད་ཕྲིན་བསྐྱངས་པ་རྣམས་རྗེས་སུ་དྲན་པ་དང་། བསྟན་འགྲོའི་དོན་དུ་སྐུ་ཚེ་བསྐལ་བརྒྱར་བཞུགས་པའི་མཎྜལ་རྟེན་དོད་ཚུལ་དུ་མཆོག་གི་གསང་གསུམ་གྱི་མཛད་འཕྲིན་ཁག་ལ་ཉམས་ཞིབ་དང་འབྲེལ་བའི་དཔྱད་བརྗོད་ཆེད་དེབ་༼དཔོན་གསས་བླ་མའི་རླབས་ཆེའི་མཛད་འཕྲིན་ལ་ཕུལ་བའི་བརྒྱ་སྟོན་གསེར་གྱི་མཎྜལ།༽ཞེས་པ་ཞིག་བསྒྲིག་རྒྱུའི་གསལ་བསྒྲགས་དང་རྩོམ་བསྐུལ་སྔོན་སོང་ལྟར། ད་ལན་ཆེད་དེབ་རྩོམ་སྒྲིག་གི་ལས་ཀ་དངོས་སུ་དབུ་འཛུག་ཞུ་ལ་ཉེ་བས། འབྲེལ་ཡོད་མཁྱེན་ལྡན་རྣམ་པས་རྩོམ་ཡིག་རྣམས་ ༢༠༢༤ ཕྱི་ཟླ་ ༡༢ ཚེས་ ༡༥ སྔོན་ཚུན་ལ་ངེད་རྩོམ་སྒྲིག་ལས་མི་རྣམ་པའི་ཕྱག་ཏུ་གློག་ཕྲིན་དང་ཕྲིན་ཕྲན་སོགས་དེང་དུས་བརྒྱུད་ལམ་གང་བདེ་ནས་འབྱོར་ཐབས་གནང་སྐྱོང་ཡོང་བར་ཞུ་ཞུ་ཞེས་བརྒྱ་སྟོན་རྩོམ་སྒྲིག་ཚོགས་ཆུང་ནས་ཕྱི་ལོ་ ༢༠༢༤ ཕྱི་ཟླ་ ༡༡ ཚེས་ ༠༨ ཉིན་ཕུལ།། །།
རྩོམ་བསྐུར་ཡུལ་གྱི་འབྲེལ་གནས།
དགེ་བཤེས་བསམ་གཏན་གཙུག་ཕུད། གློག་ཕྲིན་ཁ་བྱང་།samgyal@gmail.com
དགེ་བཤེས་ཁྱུང་ཁྲི་ལྡེ། གློག་ཕྲིན་ཁ་བྱང་།Chong.tridhe@gmail.com
དགེ་བཤེས་ཚུལ་ཁྲིམས་བློ་ལྡན། གློག་ཕྲིན་ཁ་བྱང་།tsultrimloden1@gmail.com
