ལེགས་བཤད་ལམ་རིམ་ལས། ” ཀྱཻ་མ་སྙིགས་དུས་འདིར་སྐྱེས་པའི། །ཁྲི་གཙུག་བསྟན་ལ་གཤེ་བ་ཚོལ། །དེས་ནི་བུ་ཚས་ཕ་ཁུ་ཡི། །རིགས་རྒྱུད་ངན་པ་བཤད་དང་མཚུངས། ། ” ཞེས་གསུངས་སོ། །

བོན་རིག་པའི་བགྲོ་གླེང་ཐེངས་བཞི་པ་སྐོང་འཚོགས་གནང་བ། ཉིན་གཉིས་པ།

ཉིན་གཉིས་པའི་ཚོགས་ཐུན་དང་པོར་བཀའ་རམས་པ་ཚུལ་ཁྲིམས་རབ་བརྟན་ལགས་ཀྱིས་གཙོ་སྐྱོང་གནང་སྟེ། རྩ་འཛིན་སློབ་དཔོན་དགེ་བཤེས་ཁྱུང་ཁྲི་ལྡེ་ལགས་ཀྱིས<<སྲིད་པ་རྒྱུད་ཀྱི་ཁ་བྱང་ལས་གསལ་བའི་བན་བོན་ཤག་འགྱེད་དང་དེའི་རྒྱབ་ལྗོངས་གླེང་བ>>ཞེས་པའི་བརྗོད་གཞིའི་ཐོགཁོང་གིས་བན་བོན་ཕན་ཚུན་ཤག་འགྱེད་སྐོར་གྱི་ལུང་ཚིག་ཁག་དེང་དུས་འགྲེལ་ལོག་བརྒྱབ་པ་བྱུང་བར།དེ་དག་གི་གནས་བབས་རྒྱབ་ལྗོངས་གང་ཡིན་དྲང་ཕྱོགས་སུ་འགྲེལ་བརྗོད་དང་།གསལ་བཤད་བཅས་གནང་ཡོད་པ་རེད།

སློབ་གཉེར་བ་བསོད་ནམས་ཚུལ་ཁྲིམས་ལགས་ཀྱིས<<ཁམས་འགྲེལ་ལས་བསྟན་པའི་ལྟ་བའི་སྐོར་རང་གིས་བསམ་ཚུལ་གླེང་བ>>ཞེས་པའི་བརྗོད་གཞིའི་ཐོག་ཁམས་འགྲེལ་གྱི་ལྟ་བ་དངོས་གནས་གང་ཡིན་ལུང་ཚིག་སྐྱོར་འདྲེན་གྱིས་འགྲེལ་བརྗོད་དང་གསལ་བཤད་གནང་སོང་།

བཤད་སྒྲུབ་འདུས་སྡེའི་ཚོགས་གཙོ་བདེ་ཆེན་དཔལ་ལྡན་ལགས་ཀྱིས<<བོད་རིགས་སམ་བྷོ་ཊེའི་སྐད་ཡིག་གནས་བབས་གླེང་བ>>ཞེས་པའི་བརྗོད་གཞིའི་ཐོགསྤྱིར་སྐད་ཡིག་ཅེས་པ་ཇི་ལྟར་ཡིན་པ་དང་དེ་དང་མི་རིགས་གང་དེའི་འབྲེལ་ལམ།སྐད་ཡིག་གིས་མི་རིགས་ངོ་བོ་ཇི་ལྟར་འཛིན་སྐོར།བོད་རིགས་ཀྱི་སྐད་ཡིག་ནི་འཛམ་གླིང་ནས་ལོ་རྒྱུས་རིང་གྲས་དང་ནང་དོན་འཐུས་སྒོ་ཚང་གྲས་ཤིག་ཡིན་རུང་།ད་ཆ་འཛམ་གླིང་ནས་བོད་རིགས་ཀྱི་སྐད་རིགས་ཉམས་ཆག་འགྲོ་བའི་རྒྱུ་རྐྱེན་མང་པོ་ཞིག་ཚང་སྐོར་གྱི་འགྲེལ་བརྗོད་གནང་སོང་།

བཤད་སྒྲུབ་འདུས་སྡེའི་འཕྲོད་བསྟེན་འགན་འཛིན་རྒྱལ་སྲས་ཚུལ་ཁྲིམས་ལགས་ཀྱིས<<གྲུབ་པའི་དབང་ཕྱུག་ལྡོང་སྒོམ་བསྟན་པ་ལྷུན་གྲུབ་ཀྱི་རྣམ་ཐར་ཀུས་ལས་བཏུས་པ>>ཞེས་པའི་བརྗོད་གཞིའི་ཐོགལྡོང་སྒོམ་བསྟན་པ་ལྷུན་གྲུབ་ཀྱི་སྐུ་ཚེའི་ལོ་རྒྱུས་སྐོར་ལ་སྔ་ཕྱིའི་རྣམ་ཐར་དང་ངག་སྒྲོས་ལས་བྱུང་བ་བཅས་ལས་ཟུར་འདོན་གསལ་བཤད་གནང་སོང་།

ཉིན་གཉིས་པའི་ཚོགས་ཐུན་གཉིས་པར་གཡུང་དྲུང་ནོར་བུ་ལགས་ཀྱིས་གཙོ་སྐྱོང་གནང་སྟེ། ཚོགས་ཆེན་དབུ་མཛད་དགེ་བཤེས་གཡུང་དྲུང་གཙུག་ཕུད་ལགས་ཀྱིས་<<བཀའ་རྒྱུད་སྐོར་བཞི་འཇོག་ཚུལ་མང་བས་ཇི་ལྟར་ཡིན་པ་བཤད་པའི་སྐོར>> ཞེས་པའི་བརྗོད་གཞིའི་ཐོགབཀའ་རྒྱུད་སྐོར་བཞི་ངོས་འཛིན་མི་འདྲ་བ་དུ་མ་ཡོད་པ་ལས།ཀུན་མཁྱེན་ཤར་རྫ་པས་བཞག་པ་དེ་ལུང་རིགས་དུ་མས་དཔྱད་ན་འཐད་ལྡན་དང་ཡག་ཤོས་དེ་ཡིན་སྐོར་གྱི་འགྲེལ་བཤད་གནང་ཡོད་པ་རེད།

སློབ་གཉེར་བ་ཚུལ་ཁྲིམས་དྲི་མེད་ལགས་ཀྱིས<<གསང་སྔགས་ཕྱི་པས་གནས་ལུགས་རང་རིག་པའི་ཡེ་ཤེས་འདོད་པར་བཤད་པ>>ཞེས་པའི་བརྗོད་གཞིའི་ཐོག ཆོ་ག་བཅུ་གཉིས་སོགས་དཔེ་གཞུང་དུ་མ་ལུང་དུ་དྲངས་ནས་གསང་སྔགས་ཕྱི་པས་རང་རིག་པའི་ཡེ་ཤེས་འདོད་པའི་ལུང་རིགས་ཟུང་འབྲེལ་འགྲེལ་བརྗོད་གནང་ཡོད་པ་རེད།

ཕྱི་དྲོར་བོན་རིག་པའི་བགྲོ་གླེང་གོ་སྒྲིག་པ་བཀའ་རམས་པ་ཚུལ་ཁྲིམས་རབ་བརྟན་ལགས་ཀྱིས་ཚོགས་བཅར་བ་ཡོངས་ལ་ཐུགས་རྗེ་ཆེ་ཞུ་བའི་གཏམ་བཤད་དང་སྦྲགས།བོན་རིག་པའི་བགྲོ་གླེང་གི་དགེ་ཕན་དང་སླད་ཕྱིན་ཞིབ་འཇུག་གི་ཆུ་ཚད་མཐོར་འདེགས་དགོས་སྐོར་གྱི་འབོད་སྐུལ་དང་བཅས།བོན་རིག་པའི་བགྲོ་གླེང་ཐེངས་བཞི་པ་དེ་ཁ་དགེ་བཀྲ་ཤིས་ངང་ནས་མཇུག་གྲུབ་སོང་།

ཞང་ཚུལ་མི་ནས༢༠༢༣ ༠༩༠༦ཉིན་ཕུལ།

པར་པ་ཁྱུང་ཐོག་རྒོད།

(སྤྱིའི་གཟིགས་གྲངས། 463 དེ་རིང་། 1)

གཤམ་གྱི་རྩོམ་ཡིག་རྣམས་ལ་སྐུ་ཉིད་ཐུགས་མཉེས་པོ་ཡོང་སྲིད།

དཔྱད་མཆན་སྤེལ།

ཁྱེད་ཀྱི་གློག་ཡིག་གི་ས་གནས་དེ་ཁྱབ་སྤེལ་བྱེད་ཀི་མིན། རྟགས * ཅན་ངེས་པར་དུ་བླུགས་དགོས།

མཚམས་སྦྱོར། རྩོམ་ཡིག་གོང་མ།
བོན་རིག་པའ…
error: རྩོམ་འདི་བདག་དབང་ཅན་ཡིན།