ཐེངས་ལྔ་པའི་བོན་རིག་པའི་བགྲོ་གླེང་ཉིན་གཉིས་པ།
ཟླ་འདིའི་ཚེས༡༩ཉིན་བོན་རིག་པའི་བགྲོ་གླེང་ཉིན་གཉིས་པའི་མཛད་རིམ་མུ་མཐུད་དུ་བསྐྱངས་པ་ཡོད་དང་། དེ་ཡང་སྔ་དྲོའི་ཕྱག་ཚོད་དགུ་པའི་ཐོག་གཙོ་སྐྱོང་བ་དགེ་བཤེས་ཚུལ་ཁྲིམས་རབ་
བརྟན་ལགས་ཀྱིས་སྟངས་འཛིན་འོག་བཀའ་རམས་པ་ཁྲི་གཙུག་བསྟན་པ་ནས་<<གསང་དོན་རྣམ་འབྱེད་ལྟར་གསས་མཁར་སྤྱི་སྤུངས་རྒྱུད་སྐོར་གླེང་བ་>>ཞེས་པའི་བརྗོད་གཞིའི་ཐད་གཏམ་བཤད་དང་དྲི་བ་དྲིས་ལན་གནང་།
དེ་རྗེས་འབུམ་རམས་པའི་ཞིབ་འཇུག་སློབ་མ་གཡུང་དྲུང་ནོར་བུ་ནས<<དཀར་རུ་གྲུབ་དབང་དང་བན་བོན་གྱི་བླ་ཆེན་འབྲེལ་ལམ་བྱུང་ཚུལ་མདོ་ཙམ་གླེང་བ>>ཞེས་པའི་བརྗོད་གཞིའི་ཐོག་གཏམ་བཤད་དང་དྲི་བ་དྲིས་ལན་གནང་རྗེས་གསོལ་ཇའི་བར་གསེང་བཏང་།
ཉིན་གཉིས་པའི་ཚོགས་ཐུན་དང་པོར་སློབ་དཔོན་བཙུན་མ་ངག་དབང་བདེ་ཆེན་ལགས་ཀྱིས་གཙོ་སྐྱང་གནང་སྟེ། བཀའ་རམས་པ་ཚུལ་ཁྲིམས་ཀུན་ཁྱབ་ཀྱིས<<རྒྱུད་དང་སྒྲུབ་གཞུང་ལས་གསལ་བའི་དཀྱིལ་འཁོར་གྱི་ལྷ་གྲངས་སུམ་བརྒྱ་དྲུག་ཅུའི་རྣམ་བཤད་ལུང་གི་ཟུར་རྒྱན>> ཞེས་པའི་བརྗོད་གཞིའི་ཐོག་གཏམ་བཤད་དང་དྲི་བ་དྲིས་ལན་གནང་བ་དང་།
དེ་མཚམས་སློབ་གཉེར་བ་ཁྲི་བརྟན་རྣམ་རྒྱལ་ལགས་ཀྱིས་གཙོ་སྐྱོང་འོག་སྨན་པ་བཀའ་བཅུ་པ་སྐར་མ་སྒྲོན་མ་ནས<<གཅིན་སྙིའི་ནད་ཀྱི་སྐོར>>ཞེས་པའི་བརྗོད་གཞིའི་ཐོག་གཏམ་བཤད་དང་དྲི་བ་དྲིས་ལན་གནང་གྲུབ་རྗེས་སྔ་དྲོའི་མཛད་རིམ་མཇུག་གྲུབ་ཡོད།
སླར་ཡང་ཉིན་རྒྱབ་ཕྱག་ཚོད་གཉིས་པའི་ཐོག་བགྲེས་པོའི་འབེལ་གཏམ་རྩོམ་སྒྲིག་པ་བཤད་སྒྲུབ་འདུས་སྡེའི་ཚོགས་གཙོ་གཡུང་དྲུང་རིག་འཛིན་ལགས་ཀྱིས་ཐུགས་རྗེ་ཆེ་ཞུའི་མཇུག་སྡོམ་གྱི་གཏམ་བཤད་དང་། ད་ལན་བགྲོ་གླེང་འདིའི་དགེ་ཕན་གླེང་སློང་དང་སླད་ཕྱིན་ཡར་རྒྱས་གཏོང་ཕྱོགས་ཀྱི་འབོད་སྐུལ་དང་བཅས་་བོན་རིག་པའི་བགྲོ་གླེང་ཐེངས་ལྔ་པའི་མཛད་རིམ་ཡོངས་སུ་རྒྱལ་ཁའི་ངང་མཇུག་བསྡུས་པ་དང་། མཁན་སློབ་རྣམ་པ་དང་ལྷན་དུ་དྲན་རྟེན་འདྲ་པར་ཡང་བསྐྱོན་གནང་ཡོད་པ་རེད།
བགྲེས་པོའི་འབེལ་གཏམ་རྩོམ་སྒྲིག་ཁང་ནས། ༢༠༢༠༤ ༩ ༡༩ཉིན།
པར་པ་ཁྱུང་ཐོག་རྒོད།
