ལེགས་བཤད་ལམ་རིམ་ལས། ” ཀྱཻ་མ་སྙིགས་དུས་འདིར་སྐྱེས་པའི། །ཁྲི་གཙུག་བསྟན་ལ་གཤེ་བ་ཚོལ། །དེས་ནི་བུ་ཚས་ཕ་ཁུ་ཡི། །རིགས་རྒྱུད་ངན་པ་བཤད་དང་མཚུངས། ། ” ཞེས་གསུངས་སོ། །

བླ་མ་ལྷ་ཡི་མཛད་པ་དྲན།

རྩོམ་པ་པོ། ཁྱུང་ཐོག་རྒོད།

སྨྲ་དབང་མི་ཡི་སེང་གེ་ཡི།།

གསང་གསུམ་འཕྲིན་ལས་རྨད་པོ་ཆེ།།

ཟོལ་མེད་བླ་རུ་འདེགས་མཛད་པའི།།

གཡུང་དྲུང་མཚན་དེ་སྤྱི་བོར་བསྙེན།། 

ཁྱེད་ཐུགས་དྲི་མེད་ལྷ་ལམ་ལས།།

གཞན་ཕན་ཉི་ཟླ་འཛུམ་པའི་འོད།།

ཉམས་ཐག་འགྲོ་ལ་འཁྱུད་པ་ཡིས།།

སྐྱེ་དགུའི་སེམས་རྩ་དྲོད་ལ་བསྒྱུར།།

བློ་གསར་པད་མའི་ཚོམ་བུ་རུ།།

ཀ་ཁའི་ཟེའུ་འབྲུ་སྨིན་པ་སྟེ།།

སློབ་ཚོགས་མེ་ཏོག་གླིང་ཁ་དེར།།

གནའ་དེང་ཤེས་བྱའི་སྦྲང་ཆར་ཕབ།།

རྨད་བྱུང་ཐུགས་ཀྱི་དགོངས་ཀློང་དུ།།

ལེགས་ཚོགས་ནོར་བུ་སྤུངས་པ་སྟེ།།

རྣམ་དག་མཛད་པའི་ཆ་ཤས་རེས།།

གཤེན་བསྟན་གདུགས་དཀར་གྱེན་ཏུ་བཏེགས། 

རི་བོ་གངས་ཅན་ཏི་སེ་ཡི།།

བླ་དྭགས་དོད་པའི་སློབ་གླིང་སྟེ།།

ཤེས་རིག་ཕུན་ཚོགས་ཞིང་ཁམས་ཉིད།།

གསར་དུ་བསྐྲུན་པ་ངོ་མཚར་ཆེ།།

སྨྲ་དབང་བླ་མའི་ཐུགས་ཀྱི་སྲས།།

མདོ་སྔགས་གཞུང་ལུགས་རྒྱ་མཚོའི་བདག།

རིག་བརྒྱའི་ཁྱབ་བདག་འགྲོ་བའི་མགོན།།

བླ་མ་ལྷ་ཡི་མཛད་པ་དྲན།། 

88680cookie-checkབླ་མ་ལྷ་ཡི་མཛད་པ་དྲན།
(སྤྱིའི་གཟིགས་གྲངས། 464 དེ་རིང་། 1)

གཤམ་གྱི་རྩོམ་ཡིག་རྣམས་ལ་སྐུ་ཉིད་ཐུགས་མཉེས་པོ་ཡོང་སྲིད།

དཔྱད་མཆན་སྤེལ།

ཁྱེད་ཀྱི་གློག་ཡིག་གི་ས་གནས་དེ་ཁྱབ་སྤེལ་བྱེད་ཀི་མིན། རྟགས * ཅན་ངེས་པར་དུ་བླུགས་དགོས།

མཚམས་སྦྱོར། རྩོམ་ཡིག་གོང་མ།
གངས་ཅན་ཏི་…
error: རྩོམ་འདི་བདག་དབང་ཅན་ཡིན།