འདས་མཆོད་ཕུལ་བ།

བསླབ་གསུམ་ལུང་རྟོགས་ཀྱིས་ཕྱུག་པའི་བསྟན་འཛིན་གྱི་སྐྱེས་ཆེན་དམ་པ་༧རྟོགས་ལྡན་ཁྲི་བ་རིན་པོ་ཆེ་མཆོག་ཉེ་བའི་ཆར་དགོངས་པ་བོན་དབྱིངས་སུ་གཟིམས་པའི་ཡིད་སྐྱོའི་གནས་ཚུལ་ཐོན་པ་དང་།

དེ་མུས་༧སྐྱབས་རྗེ་ཡོངས་འཛིན་རིན་པོ་ཆེ་མཆོག་དང་མཁན་རིན་པོ་ཆེ་ལུང་རྟོགས་བསྟན་པ་གཡུང་དྲུང་རྣམ་གཉིས་ཀྱིས་བཀའ་ལུང་སྤྱི་སྩོལ་བྱུང་དོན་བཞིན།

༧དཔལ་ལྡན་ཁྲི་བརྟན་ནོར་བུ་རྩེའི་འདུས་མང་ནས་དཀའ་ཐུབ་ཀྱི་དགོང་ཚོགས་དང་བསྟུན༧གོང་ཉིད་ཀྱི་སྐུ་པར་མཐོང་གྲོལ་རིན་པོ་ཆེའི་མདུན་དུ་རྣམ་ལྔའི་མཆོད་པ་བཤམས་ཤིང་བླ་མ་མཆོད་པ་དང་།

ཚེ་དབང་སྨོན་ལམ་གྱེར་འདོན་གནང་བཞིན་གསོལ་འདེབས་སྨོན་ལམ་གྱི་སྒོ་ནས་འདས་མཆོད་ཕུལ་བའི་གནས་བསྡུས་སུ།

སྲིད་པའི་མིག་ནས་ཕྱི་ལོའི་ ༢༠༡༦ ཟླ་ ༡༠ ཚེས་ ༠༢ ཉིན།