སྐྱབས་རྗེ་སྨན་རིའི་ཡོངས་འཛིན་སངས་རྒྱས་བསྟན་འཛིན་རིན་པོ་ཆེ།
“སློབ་དཔོན་ཁྲི་ཐོག་སངས་རྒྱས་བསྟན་འཛིན་རྗེ། །ཚོ་སྤྱི་ཧོར་རྗེའི་མངའ་ཁུལ་འབྲོག་ཤོག་ཏུ། །རྨེའུ་གདུང་སྐྱེ་བླའི་སྲས་སུ་ཆུ་བྱི་ལོར། །འཁྲུངས་ཤིང་མཁས་གྲུབ་དུ་མར་གདམས་ངག་གསན། །གཡུང་དྲུང་གླིང་དུ་གཞུང་ལུགས་རབ་འབྱམས་བཞེངས། །འབྲས་སྤུངས་སུ་བཞུགས་དབུ་ཚད་ཕར་ཕྱིན་སོགས། །གཞུང་ཆེན་དུ་མར་སྦྱངས་རྟོགས་ཆེར་སོན་མཛད། །མཁས་པའི་གྲགས་སྙན་ས་ཆེན་ཁྱབ་བཞིན་དུ། །སྐུ་མདུན་ཉི་དབང་ཕྲིན་ལས་ལ་བསྟེན་ནས། །སྨན་རིར་མཚན་ཉིད་བཤད་ཐོག་སློབ་དཔོན་བཞུགས། །མདོ་སྔགས་སེམས་གསུམ་བསྟན་སྲིད་གསོ་སྤེལ་དང། །མཛད་པ་བསམ་ཡས་གཟིགས་པས་རྒྱ་གར་བྱོན། །དེང་སང་བསྟན་འགྲོའི་དོན་མཛད་ཞབས་པད་བརྟན། །” ཞེས་འཁོད། (དེང་སང་ཞེས་པ་ ༡༩༧༢ ལོར་གོ་དགོས།)
(མ་རྩོམ་ཡོང་ཁུངས། མཁས་དབང་དཔལ་ལྡན་ཚུལ་ཁྲིམས་ཀྱི་གཡུང་དྲུང་བོན་གྱི་བསྟན་འབྱུང་ཕྱོགས་བསྡུས་ལས་སོ། །)