ལེགས་བཤད་ལམ་རིམ་ལས། ” ཀྱཻ་མ་སྙིགས་དུས་འདིར་སྐྱེས་པའི། །ཁྲི་གཙུག་བསྟན་ལ་གཤེ་བ་ཚོལ། །དེས་ནི་བུ་ཚས་ཕ་ཁུ་ཡི། །རིགས་རྒྱུད་ངན་པ་བཤད་དང་མཚུངས། ། ” ཞེས་གསུངས་སོ། །

གདན་ས་ཁྲི་བརྟན་ནོར་བུ་རྩེའི་གལ་ཆེའི་གསལ་བརྡ།

 

༄༅།།  འཛམ་གླིང་གང་སར་བཞུགས་པའི་རྒྱལ་སྤྱིའི་བོན་འབངས་ཡོངས་ལ་ཆེད་ཞུ།

ཕན་བདེ་ཀུན་གྱི་འབྱུང་གནས་སངས་རྒྱས་གཡུང་དྲུང་བོན་གྱི་བསྟན་པའི་སྲོག་ཤིང་ ༧སྐྱབས་རྗེ་ཡོངས་འཛིན་སྨྲ་བའི་དབང་པོ་མཆོག་གིས་མཁྱེན་བརྩེའི་ཐུགས་བསྐྱེད་ཟབ་མོས་བསྟན་འགྲོའི་བདེ་སྐྱིད་ཀྱི་ཆེད་དུ་གསང་གསུམ་གྱི་འཕྲིན་ལས་ངལ་མེད་དུ་བསྐྱངས་ཤིང་ཁྱད་པར་དུ་སྨན་རིའི་མཁན་རབས་ལྔ་ཡི་རིང་ལུང་རྟོགས་བོན་གྱི་བདུད་རྩིས་མཁས་གྲུབ་དགེ་བའི་བཤེས་གཉེན་དུ་མ་སྐྱེད་སྲིང་གནང་། གཡུང་དྲུང་བོན་གྱི་འདུལ་སྔགས་རྫོགས་གསུམ་གྱི་བསྟན་པ་ཚང་ལ་མ་ནོར་བའི་བརྒྱུད་པ་བཟུང་སྟེ།  དུས་ཟིང་གི་རླུང་འཚུབ་དྲག་པོའི་ཁྲོད་དུ་སངས་རྒྱས་ཀྱི་བསྟན་པ་རིན་པོ་ཆེའི་སྒྲོན་མེ་འཇིག་ལ་ཉེ་བ་མྱུར་སྐྱོབ་མཛད་ཅིང་། 

རྒྱ་གར་དུ་བོན་གཞིས་ཐོབ་རྒྱལ་གསར་པ་དང་གཡུང་དྲུང་བོན་གྱི་གདན་ས་དཔལ་གཤེན་བསྟན་སྨན་རིའི་གླིང་འཛུགས་བཞེངས་ཀྱིས་རྒྱལ་བ་མཉམ་མེད་ཆེན་པོའི་བཤད་སྒྲུབ་བསྟན་པའི་མེ་ཆེན་སླར་ཡང་འཛམ་གླིང་འདིར་སྤར་བ་སོགས་མཛད་འཕྲིན་དུ་མ་སྤེལ་བའི་ཁོངས་ནས་གཡུང་དྲུང་བོན་གྱི་གདན་ས་ ༧ དཔལ་ལྡན་ཁྲི་བརྟན་ནོར་བུ་རྩེ་འདི་ཉིད ༡༩༨༧  ལོར་བལ་ཡུལ་དུ་ཕྱག་བཏབ་མཛད་པ་དང་།   ༡༩༩༤ ལོར་གདན་ས་འདིར་གཡུང་དྲུང་བོན་གྱི་ཆེས་མཐོའི་གཙུག་ལག་སློབ་གཉེར་ཁང་གི་བཅའ་བཀོད་མཛད་དེ་བོན་གྱི་མདོ་སྔགས་སེམས་གསུམ་དང་བཅུ་ཕྲག་རིག་པའི་གནས་བཅས་ལ་སློབ་གཉེར་དང་ཉམས་ལེན་ཆ་ཚང་གནང་སའི་བཤད་སྒྲུབ་འདུས་སྡེ་དབུ་བཙུགས་ནས་མི་ལོ་ཉེར་ལྔ་ཧྲིལ་པོར་འཁོར་བ་དང་།

མི་ལོ་ཉེར་ལྔའི་རིང་གདན་ས་འདིར་མཁན་སློབ་དགེ་བའི་བཤེས་གཉེན་སྟོན་འཁོར་རྣམས་ཀྱིས་འཆད་རྩོད་རྩོམ་གསུམ་གྱི་སྒོ་ནས་བསྟན་པ་འཛིན་སྐྱོང་སྤེལ་གསུམ་གནང་བའི་ཕྱག་རྗེས་སུ་བཤད་སྒྲུབ་གཉིས་ནས་སློབ་ཐོན་པ་བརྒྱ་ཕྲག་བརྒལ་བ་སྐྱེད་སྲིང་གི་གྲུབ་འབྲས་གཡུར་དུ་ཟ་བ་སྨིན་ཡོད་པ་བཅས་ལ་རྟེན་འབྲེལ་ཞུ་བའི་ཉེར་ལྔའི་དུས་དྲན་མཛད་སྒོ་ཞིག་གཤམ་གསལ་མཛད་རིམ་ལྟར་ ༢༠༢༠ ཟླ་༡ ཚེས་ ༢༢ ནས་ ༣༠ བར་ཚོགས་གཏན་འཁེལ་བ་དང་།

མ་ཟད་སྐབས་དེར་༧སྐྱབས་རྗེ་ཡོངས་འཛིན་རིན་པོ་ཆེ་མཆོག་དགུང་གྲངས་གོ་ལྔར་ (༩༥) ཕེབས་རྒྱུ་ཡིན་པ་དང་སྟབས་བསྟུན་༧སྐྱབས་རྗེ་མཆོག་ལ་བཀའ་དྲིན་རྗེས་དྲན་དང་སྐུ་ཚེའི་ཞབས་བརྟན་ཆེད་མཎྜལ་བརྟན་བཞུགས་རྒྱས་འབུལ་ཞུ་རྒྱུ་བཅས་ལགས་ན་འཛམ་གླིང་ཡུལ་གྲུ་ཁག་ལ་གནས་པའི་དད་ལྡན་མང་ཚོགས་དང་འབྲེལ་ཡོད་ཆེད་ཕེབས་གནང་མཁན་ཡོངས་ལ་དགའ་བསུ་ཞུ་རྒྱུ་དང་།   མཛད་སྒོའི་ཐོག་ངོ་ཕེབས་གནང་ཐུབ་མིན་ལ་མ་ལྟོས་པར་དད་ལྡན་མང་ཚོགས་ཡོངས་ཀྱིས་སྤྱིར་འགྲོ་བའི་བདེ་སྐྱིད་དང་ལྷག་པར་དུ་༧སྐྱབས་རྗེ་མཆོག་གི་ཞབས་པད་བསྐལ་བརྒྱར་བརྟན་ཅིང་བཞེད་དོན་ལྷུན་གྱིས་འགྲུབ་ཕྱིར་གསོལ་འདེབས་སྨོན་ལམ་དང་སྲོག་བླུ། ཀླུང་དར་འཛུག་པ་དང་། ཚེ་བསྙེན་གསོག་སྒྲུབ་སོགས་དགེ་བའི་བྱ་བར་འབད་གནང་བའི་འབོད་སྐུལ་ཞུ།། 

༧ དཔལ་ལྡན་ཁྲི་བརྟན་ནོར་བུ་རྩེའི་འདུས་སྤྱིའི་ཡིག་ཚང་ནས་ ༢༠༡༩ ཟླ་ ༠༩ ཚེས་ ༢༠ ཉིན།

(སྤྱིའི་གཟིགས་གྲངས། 363 དེ་རིང་། 1)

གཤམ་གྱི་རྩོམ་ཡིག་རྣམས་ལ་སྐུ་ཉིད་ཐུགས་མཉེས་པོ་ཡོང་སྲིད།

དཔྱད་མཆན་སྤེལ།

ཁྱེད་ཀྱི་གློག་ཡིག་གི་ས་གནས་དེ་ཁྱབ་སྤེལ་བྱེད་ཀི་མིན། རྟགས * ཅན་ངེས་པར་དུ་བླུགས་དགོས།

མཚམས་སྦྱོར། རྩོམ་ཡིག་གོང་མ།
ཧོར་ཟླ་བརྒ…
error: རྩོམ་འདི་བདག་དབང་ཅན་ཡིན།