གཡུང་དྲུང་བོན་གྱི་ཆེས་མཐོའི་གཙུག་ལག་སློབ་གཉེར་ཁང་གི་རྩོད་རྒྱུགས་ཐེངས་ ༡༧ པ་འགོ་ཚུགས་པའི་གནས་བསྡུས།
གཡུང་དྲུང་བོན་གྱི་ཆེས་མཐོའི་གཙུག་ལག་སློབ་གཉེར་ཁང་གི་བཤད་གྲྭ་བའི་ལོ་རེའི་སློབ་ཚན་གྱི་རྒྱུགས་སྤྲོད་གལ་ཆེ་ཤོས་ནི། ལོ་སྟོད་བྲིས་རྒྱུགས་དང་། ལོ་སྨད་རྩོད་རྒྱུགས་གཉིས་ཡིན་ཞིང་། འདི་ལོའི་རྩོད་རྒྱུགས་ཆེན་མོ་དེ་ཡང་སྐབས་སུམ་ཅུ་པའི་བཤད་སྒྲུབ་འདུས་སྡེའི་ལས་བྱེད་རྣམ་པས་གོ་སྒྲིག་གནང་སྟེ། ཕྱི་ལོ་ ༢༠༢༤ ༡༢ ༢༨ ཉིན་ཀྱི་ཞོགས་ཇ་བཞེས་གྲུབ་རྗེས་ཕྱག་ཚོད་ ༧ དང་སྐར་མ་ ༢༠ ཐོག་འཛིན་གྲྭ་སོ་སོས་དམ་བཅའི་རྒྱན་ཤོག་འཐེན། ཕྱག་ཚོད་ ༨ དང་སྐར་མ་ ༣༠ ཐོག་དཔྱད་འདེམ་པ་བཤད་སྒྲུབ་དཔོན་སློབ་རིན་པོ་ཆེ་གཙོས་པའི་རྩ་འཛིན་སློབ་དཔོན་རྣམ་པ་དང་། དགེ་བཤེས་རྣམ་པ་རྒྱུགས་དཔང་དུ་བཞུགས་ནས་འདི་ལོའི་རྩོད་རྒྱུགས་དངོས་སུ་འགོ་ཚུགས།
དཔྱད་འདེམ་དགེ་རྒན། |
བཤད་སྒྲུབ་དཔོན་སློབ་དགེ་བཤེས་བློ་གྲོས་གཙུག་ཕུད། |
རྩ་འཛིན་སློབ་དཔོན་དགེ་བཤེས་སངས་རྒྱས་ཡེ་ཤེས། |
|
རྩ་འཛིན་སློབ་དཔོན་དགེ་བཤེས་གཡུང་དྲུང་ཚུལ་ཁྲིམས། |
|
རྩ་འཛིན་སློབ་དཔོན་དགེ་བཤེས་བློ་གྲོས་ཕུན་ཚོགས། |
|
རྩ་འཛིན་སློབ་དཔོན་དགེ་བཤེས་ཁྲི་ལྡེ་གཙུག་བརྟན། |
|
རྩ་འཛིན་སློབ་དཔོན་དགེ་བཤེས་ཚུལ་ཁྲིམས་རྒྱ་མཚོ། |
|
དོ་དམ་པ། |
རྩ་འཛིན་སློབ་དཔོན་དགེ་བཤེས་བློ་གྲོས་འོད་གསལ། |
རྩོད་པ་བས་སྐབས་བབ་རྟགས་གསལ་གང་བབ་པ་དེ་ཉིད་དང་འབྲེལ་བའི་ལུང་དྲངས་སྟངས་དང་རྩོད་པ་གནད་ལ་ཁེལ་མིན་ལས་དཔག་པའི་ཐོབ་སྐར་སྤྲོད་ཀྱི་ཡོད་པ་དང་། ཕྱི་ཚེས་ ༢༨ ནས་ ༢༩ བར་ཁྱོན་ཉིན་གཉིས་ཀྱི་རིང་ལ་རྩོད་རྒྱུགས་གནང་བཞིན་པ་བཅས་ཀྱིས་གནས་བསྡུས་སུ་
མེ་ལོང་ཡེ་ཤེས་དྲ་བའི་གཙོ་སྒྲུབ་པས་ཕྱི་ལོ་ ༢༠༢༤ ༡༢ ༢༨ ཉིན་སྤེལ།