༧སྐྱབས་རྗེ་མཁན་རིན་པོ་ཆེ་བསྟན་པ་གཡུང་དྲུང་མཆོག་ཡོལ་མོ་བོན་ཚོགས་སུ་ཕེབས་པ།
ད་རིང་སྤྱི་ལོ་ ༢༠༡༧ ཟླ་བ་ ༧ སྤྱི་ཚེས་ ༧ དགེ་བའི་ཉིན་མོ་འདི་དང་འབྲེལ་ས་གནས་༼འཇོར་པ་ཏྲི་༽རུ་ཡོད་པའི་ཡོལ་མོ་བོན་ཚོགས་ཀྱི་གཙོ་བོ་འགན་བཞེས་གཙོ་སྐྱོང་བ་དགེ་བཤེས་བློ་གྲོས་མཆོག་ལེགས་མཆོག་ནས་༧མཁན་རིན་པོ་ཆེ་བསྟན་པ་གཡུང་དྲུང་མཆོག་ཚོགས་མགོན་དུ་གདན་འདྲེན་ཞུས་པ་དང་། དེ་བཞིན་བཤད་སྒྲུབ་མཁན་པོ་མཆོག་དང་། བླ་མ་དགེ་བཤེས་འགའ་ཞིག་གདན་ཞུ་དང་འབྲེལ་ཚོགས་པ་དེས་གཡུང་དྲུང་བཀོད་ལེགས་མཆོད་རྟེན་ཞིག་བཞེངས་འཆར་ཡོད་པ་ལྟར་གོང་འཁོད་བླ་གྲྭ་རྣམས་ཀྱིས་ཐོག་མར་བསྟན་སྲུང་དམ་ཅན་རྒྱ་མཚོའི་ཚོགས་ལ་བསང་གསོལ་འཕྲིན་བཅོལ་དང་། གཏོར་མ་བཏང་བ་སོགས་རིམ་འགྲོ་སྣ་སེལ་མཛད་དེ་ས་བླངས་རྗེས་༧སྐྱབས་རྗེ་མཁན་རིན་པོ་ཆེ་མཆོག་ནས་མང་ཚོགས་ལ་བཀའ་སློབ་བཀའ་དྲིན་བསྐྱངས་ཡོད་པ་བཅས་ཀྱི་གནས་ཚུལ་མདོར་བསྡུས་སུ།
དགེ་བཤེས་ཤེས་རབ་གོང་འཕེལ་ནས།