དཔལ་ལྡན་ཁྲི་བརྟན་ནོར་བུ་རྩེས་སྤྱི་ཚོགས་ཞབས་ཞུ་བསྒྲུབས་པའི་སྐོར།
འགྲོ་བ་མི་ཞིག་ས་སྟེང་དུ་གནས་སྡོད་བྱེད་པ་ལ་ཁོར་ཡུག་ལ་མཐོང་ཆེན་བྱེད་དགོས་པ་ནི་མི་ཡི་འཚོ་བའི་ནང་གི་བདེ་སྐྱིད་ཀྱི་ཆ་རྐྱེན་ཨང་དང་པོ་དེ་ཡིན། ཁོར་ཡུག་དང་མི་གཉིས་གཅིག་ལ་གཅིག་བརྟེན་གྱི་འབྲེལ་བ་གྲུབ་པ་ཞིག་ཡིན་པས། ཁོར་ཡུག་ལ་འབག་བཙོག་གིས་གནོད་སྐྱོན་བྱུང་ན་ཁོར་ཡུག་དེའི་ནང་གནས་སྡོད་བྱེད་པའི་མི་ལ་ན་ཚ་འདྲ་མིན་འབྱུང་སྟེ་མི་བདེ་བ་ཡོང་གི་ཡོད། དེས་ན་ཁོར་ཡུག་ལ་གཙང་སྦྲ་དང་སྲུང་སྐྱོབ་བྱེད་པ་དེ་གལ་ཆེན་པོ་ཡིན། དེར་བརྟེན་༧དཔལ་ལྡན་ཁྲི་བརྟན་ནོར་བུ་རྩེའི་འདུས་སྤྱི་ནས་ཟླ་བ་གཉིས་རེའི་ནང་ཁོར་ཡུག་གཙང་སྦྲའི་ལས་འགུལ་སྤེལ་རྒྱུའི་འཆར་གཞི་ཡོད་པ་ལྟར། སྐབས་བརྒྱད་པའི་བཙའ་སྐྱོང་ལྷན་ཚོགས་ཀྱི་འཕྲོད་བསྟེན་འགན་འཛིན་པས་གོ་སྒྲིག་གནང་བ་ལྟར།
སྤྱི་ལོ་ ༢༠༡༧ ཟླ་བ་ ༠༤ ཚེས་ ༡༧ ཉིན་དཔལ་ལྡན་ཁྲི་བརྟན་ནོར་བུ་རྩེའི་དགེ་འདུན་པ་རྣམས་དང་། གཞི་རིམ་འོག་མའི་སློབ་ཕྲུགསྡེ་ཚན་གཉིས་མཉམ་འབྲེལ་ཐོག་ Teen Gara ཏིན་སྒ་རིས་ཀྱི་ཁོར་ཡུག་གཙང་སྦྲའི་ལས་འགུལ་སྤེལ་ནས་གཙང་བཟོ་བྱས་པ་དང་། ཁོར་ཡུག་བཙོག་པ་མ་བཟོ་ཞེས་པའི་སྦྱར་ཡིག་དང་བཅས་སྤྱི་ཚོགས་ཞབས་ཞུའི་ལས་དོན་བསྒྲུབས་པ་བཅས་ཀྱི་གནས་ཚུལ་སྙིང་བསྡུས་སུ་ཁྱུང་ཁྲི་ལྡེས་ ༢༠༡༧ ཟླ་བ་ ༠༤ ཚེས་ ༡༧ ཉིན་སྤེལ།
