༸དཔལ་ལྡན་ཁྲི་བརྟན་ནོར་བུ་རྩེའི་གཤེན་གྱི་དགུ་གཏོར་ཆེན་མོ།
སྤྱི་ལོ་ ༢༠༡༦།༢།༥། ནས་བཟུང་གཡུང་དྲུང་བོན་གྱི་གདན་ས་ཆེན་མོ་དཔལ་ལྡན་ཁྲི་བརྟན་ནོར་བུའི་རྩེར་གཤེན་གྱི་དགུ་གཏོར་ཆེན་མོ་འཚོགས་ནས་སྤྱི་ཚེས་༧ཉིན་ཁྲོ་ཕུར་དགུ་གཏོར་གྱི་མདོས་རྒྱག་གནང་བའི་སྐབས་ཀྱི་པར་རིས་ཁག་གཤམ་དུ་གསལ།
ཁྲོ་ཕུར་དགུ་ཟློག་ཆེན་མོ་ནི་ལོ་རེའི་ལོ་མཇུག་གི་ཉི་ཤུ་དགུ་ལ་གཏོར་རྒྱག་བྱེད་པའི་བོན་ཆོས་ཀྱི་བྱེད་སྒོ་ཞིག་ཡིན། རྩ་བའི་དགུ་ཟློག་བྱེད་པའི་དམིགས་སྒོ་ནི་སྐྱེ་འགྲོ་བདེ་སྐྱིད་ཀྱི་ཆེད་དུ་སྟེ། རྒྱལ་ཁམས་ཀྱི་ནད་མུག་འཁྲུག་རྩོད་ཞི་བ་དང་། རྐྱེན་དང་བར་ཆོད་ཟློག་པ། བསམ་དོན་སྨོན་ལམ་འགྲུབ་པ། རང་གཞན་བདེ་སྐྱིད་ཀྱི་དཔལ་ལ་ལོངས་སུ་སྤྱོད་ཐུབ་པའི་མཐུན་རྐྱེན་དགེ་བའི་བསྐུལ་མ་ཞིག་དང་། ཁྱད་པར་དུ་སངས་རྒྱས་ཀྱི་བསྟན་པ་རིན་པོ་ཆེ་ལ་བར་ཆོད་བྱེད་པའི་སྡང་དགྲ་གནོད་བགེགས་ཐམས་ཅད་ཞི་བདེ་སངས་རྒྱས་ཀྱི་ས་རུ་འགོད་པར་བྱེད་པའི་ཐབས་ལམ་ཞིག་ཡིན།
ཏི་སེའི་བུ་ནས་༢༠༡༦།༢།༨ཉིན་སྤེལ།