ཡོལ་མོ་བོན་ཚོགས་ནས་རྒྱལ་བ་སྨན་རི་བ་མཆོག་གི་སྐུ་ཚེའི་ཞབས་བརྟན་བསྒྲུབས་པ།
དེ་རིང་སྤྱི་ལོ་༢༠༡༧།༠༩།༡༢།ཉིན་སྐྱབས༧རྗེ་རྒྱལ་བ་སྨན་རི་བའི་སྐུ་ཡི་བླ་གཟའ་འབྲེལ་གདན་ས་༧དཔལ་ལྡན་ཁྲི་བརྟན་ནོར་བུ་རྩེའི་དགེ་བཤེས་ཆེན་མོ་ཏྲེ་སྟོན་བློ་གྲོས་མཆོག་ལེགས་མཆོག་གིས་གཙོ་འགན་བཞེས་ཏེ། ཡོལ་མོ་བོན་ཚོགས་<<གྱེར་སྤུངས་འདུས་སྡེ་>>རུ་ཡོལ་མོ་བོན་འབངས་ཡོངས་ཀྱིས་ཞྭ་དཀར་གཡུང་དྲུང་བོན་གྱི་བསྟན་པའི་གཙུག་རྒྱན་༧རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་གི་བསྙུང་ཁམས་མྱུར་དུ་དྭངས་ཏེ། སྐུ་ཚེ་ཡུན་ནས་ཡུན་དུ་བརྟན་པ་དང་། ཐུགས་ཀྱི་བཞེད་དགོངས་ཐ་དག་གེགས་མེད་ལྷུན་གྱིས་འགྲུབ་པའི་ཆེད་དུ་ཚེ་སྒྲུབ་ཚོགས་འཁོར་དང་བར་ཆད་ལམ་སེལ། བྱམས་མའི་སྔགས་བསྟོད་སོགས་ཀྱི་ཞབས་བརྟན་གང་ཟབ་གནང་དང་གནང་བཞིན་པའི་གནས་ཚུལ་དུ་ཁྱུང་ཁྲི་ལྡེ་ནས།
གནས་ཚུལ་ཞང་ཞུང་ཉི་མའི་དྲྭ་ལམ་ནས་བླངས།