སྨན་རི་དགོན་གྱི་གལ་ཆེའི་གསལ་བསྒྲགས།
༸ཡོངས་འཛིན་རིན་པོ་ཆེ་མཆོག་གིས་རྒྱལ་བའི་བཀའ་རིན་པོ་ཆེ་ལྗགས་ཀློག་དང་། ཕུར་གཞུང་ཚར་བརྒྱ་སྟོང་གང་འགྲུབ། ཕུར་པའི་ཚོགས་འཁོར། ཕུར་པའི་སྲུང་བཟློག ཕུར་པའི་སྦྱིན་སྲེག རྣམ་རྒྱལ་གཟུངས་ཆེན་ཚར་བརྒྱ། གསེར་འོད་ནོར་བུ་འོད་འབར་ཚར་བརྒྱ། ཚེ་སྒྲུབ། ས་སྒོ་གཅོད་པ་བཅས་ཞབས་རིམ་འདི་དག་བསྒྲུབ་དགོས་ཀྱི་བཀའ་བསྩལ་ཕེབས་འདུག་ན།
འཛམ་གླིང་ས་ཕྱོགས་གང་སར་གནས་པའི་བོན་འབངས་ཡོངས་ཀྱིས་བསྟན་སྲུང་དམ་ཅན་གྱི་སྡེ་ལ་བསྐང་གསོལ་འཕྲིན་བཅོལ་ཞུ་རྒྱུ་དང་། སྐབས་བབས་གནད་སྨིན་ཞབས་རིམ་རྣམས་ཅི་ཐུབ་གང་ཐུབ་བསྒྲུབ་རྒྱུའི་རེ་བསྐུལ་ཞུ་བ་དང་། འདི་གའི་༧གདན་ས་སྨན་རིའི་དགོན་ནས་གོང་འཁོད་ཞབས་རིམ་རྣམས་ཆ་ཚང་བླ་གྲྭ་འདུས་སྤྱི་ནས་འདི་ཟླའི་སྤྱི་ཚེས་༨ཉིན་ནས་བཟུང་སྟེ་བསྒྲུབ་རྒྱུའི་སྟ་གོན་བྱེད་བཞིན་པའི་གནས་ཚུལ་ཙམ་དུ།
༧དཔལ་གཤེན་བསྟན་སྨན་རིའི་གྲྭ་ཚང་ནས།ཕྱི་ལོ་༢༠༡༦/༡༡/༧ཉིན་སྤེལ།