གདན་ས་ཁྲི་བརྟན་ནོར་བུ་རྩེ་ནས་ཡང་སྟོན་བླ་མ་དགེ་བཤེས་བཀྲ་ཤིས་རྒྱལ་མཚན་རིན་པོ་ཆེ་མཆོག་གི་དགོངས་རྗོགས་མཆོད་འབུལ་ཞུས་པ།
དོལ་པོ་ཚྭ་དགའ་ཡང་དགོན་མཐོང་གྲོལ་ཕུན་ཚོགས་གླིང་གི་དབུ་བླ་ཡང་སྟོན་བླ་མ་དགེ་བཤེས་བཀྲ་ཤིས་རྒྱལ་མཚན་རིན་པོ་ཆེ་མཆོག་ ༢༠༢༤ ཟླ་ ༦ ཚེས་ ༢༢ ཉིན་དགོངས་པ་བོན་དབྱིངས་སུ་གཤེགས་པར་ལྟོས་བཅས་ཡོངས་ལ་གདུང་སེམས་མཉམ་བསྐྱེད་ཞུ་ཕྱིར། སྐྱབས་རྗེ་མཁན་ཆེན་ལུང་རྟོགས་བསྟན་པ་གཡུང་དྲུང་རིན་པོ་ཆེའི་བཀའ་དགོངས་བཞིན། ཕྱི་ལོ་ ༢༠༢༤ ༦ ༢༤ ཉིན་གྱི་སྔ་དྲོ་ཆུ་ཚོད་ ༧ དང་སྐར་མ་ ༣༠ ཐོག གདན་ས་ཁྲི་བརྟན་ནོར་བུ་རྩེའི་གཙུག་ལག་ཁང་དུ་བླ་མའི་སྐུ་བརྙན་རིན་པོ་ཆེ་བཤམ་པའི་དྲུང་དུ་རྣམ་ལྔའི་མཆོད་སྤྲིན་ཕུལ་ནས། བཤད་སྒྲུབ་མཁན་སློབ་རྣམ་པ་དབུས་པའི་འདུས་མང་ཡོངས་ནས་བླ་མ་མཆོད་པ་དང་། ཚེ་དབང་སྨོན་ལམ། ཀུན་བཟང་ཐུགས་སྤྲུལ་བཅས་གསུངས་ནས་བླ་མ་རིན་པོ་ཆེ་ཐུགས་དགོངས་དབྱེར་མེད་དུ་བསྲེ་བའི་མཉམ་བཞག་ཉམས་ལེན་བསྐྱངས་པ་བཅས་ཀྱི་གདུང་མཆོད་སྨོན་ལམ་གནད་སྨིན་ཞུས་པའི་གནས་བསྡུས་སུ་མེ་ལོང་ཡེ་ཤེས་དྲ་བའི་གཙོ་སྒྲུབ་པས་ཕྱི་ལོ་ ༢༠༢༤ ༦ ༢༤ ཉིན་སྤེལ།། །།
པར་པ་ཁྱུང་ཐོག་རྒོད།
