ལེགས་བཤད་ལམ་རིམ་ལས། ” ཀྱཻ་མ་སྙིགས་དུས་འདིར་སྐྱེས་པའི། །ཁྲི་གཙུག་བསྟན་ལ་གཤེ་བ་ཚོལ། །དེས་ནི་བུ་ཚས་ཕ་ཁུ་ཡི། །རིགས་རྒྱུད་ངན་པ་བཤད་དང་མཚུངས། ། ” ཞེས་གསུངས་སོ། །

གདན་ས་ཆེན་མོ་དཔལ་ལྡན་ཁྲི་བརྟན་ནོར་བུའི་རྩེར་སྲིད་རྒྱལ་འབུམ་ཚོགས་འབུལ་བཞིན་པ།

འདི་ག་གཡུང་དྲུང་བོན་གྱི་གདན་ས་ཆེན་མོ་དཔལ་ལྡན་ཁྲི་བརྟན་ནོར་རྩེའི་འདུས་སྤྱི་ནས། སངས་རྒྱས་ཀྱི་བསྟན་པ་སྤྱི་དང་སྒོས་སུ་ཞྭ་དཀར་གཡུང་དྲུང་བོན་གྱི་བསྟན་པ་རིན་པོ་ཆེ་འདི་ཉིད་དར་རྒྱས་ཡུན་དུ་གནས་ཤིང་། བསྟན་པའི་གཙུག་རྒྱན་༸སྐྱབས་རྗེ་མཁན་སློབ་གཤེན་གསུམ་གཙོས་པའི་ནང་བསྟན་གྲུབ་མཐའ་རིས་མེད་ཀྱི་བསྟན་འཛིན་སྐྱེས་ཆེན་རྣམ་པའི་གསང་གསུམ་ཉེར་འཚེའི་འཇིགས་པ་ལྷག་མེད་དུ་ཞི་ནས། རླབས་ཆེན་ཐུགས་ཀྱི་དགོངས་བཞེད་ཟབ་མོ་འབད་མེད་ལྷུན་གྱིས་འགྲུབ་པ་དང་། བསྟན་སྦྱིན་ལྷ་སྡེ་རྣམས་ཀྱི་འདི་ཕྱིའི་དོན་གཉིས་ལེགས་འགྲུབ་ཡོང་བ་དང་། བྱུང་དང་འབྱུང་བཞིན་པའི་མེ་ཆུ་ས་རླུང་གི་འཇིགས་པ་དང་། ནད་མུག་འཁྲུག་རྩོད་ཀྱི་འཇིགས་པ་སོགས་འཇིག་རྟེན་ཁམས་ཀྱི་རྒུད་པ་ཐམས་ཅད་ཉེ་བར་ཞི་ཞིང་། སྣོད་བཅུད་ཞི་བདེའི་དཔལ་ཡོན་རྒྱས་པ་བཅས་ཀྱི་ཆེད་དུ་དམིགས་ནས། ལོ་དུས་ཀྱི་གསོལ་ཁ། ཟླ་དུས་ཀྱི་མཆོད་པ་རུ། ལོ་འགོ་ལ་སྲིད་རྒྱལ་འབུམ་ཚོགས་དང་། ལོ་མཇུག་ཏུ་དྲན་པའི་འབུམ་ཚོགས་ཆག་མེད་འབུལ་སྲོལ་ཡོད་པ་བཞིན།

འདི་ལོའི་བོད་ཟླ་ ༠༣ ༢༦ ནས་བཟུང་ ༠༤ པའི་ཚེས་ ༠༢ བར་བདུན་ཕྲག་གཅིག་གི་རིང་ལ་བླ་སྤྲུལ་དགེ་བའི་བཤེས་གཉེན་རྣམ་པ་དབུ་བཞུགས་ཀྱི་ཐོག་སྐྱབས་གནས་འདུས་སྡེ་རྒྱ་མཚོས་དམ་ཅན་བསྟན་སྲུང་ཡོངས་ཀྱི་གཙོ་མོ་མ་མཆོག་སྲིད་པ་རྒྱལ་མོའི་འབུམ་ཚོགས་ཀྱི་མཆོད་སྤྲིན་རྒྱས་འབུལ་དང་མངའ་གསོལ་ཕྲིན་བཅོལ་ཐུགས་བསྐྱེད་སྐྱབས་འཇུག་རྒྱ་མི་ཆུང་བ་གནང་བཞིན་ལགས་པས། གོང་གི་དམིགས་འདུན་ཐ་དག་མྱུར་འགྲུབ་ཡོང་བའི་རེ་སྨོན་དང་བཅས་ཁྱུང་ཐོག་རྒོད་ཀྱིས། ༢༠༡༨ ༠༥ ༡༣ཉིན་སྤེལ།

59650cookie-checkགདན་ས་ཆེན་མོ་དཔལ་ལྡན་ཁྲི་བརྟན་ནོར་བུའི་རྩེར་སྲིད་རྒྱལ་འབུམ་ཚོགས་འབུལ་བཞིན་པ།
(སྤྱིའི་གཟིགས་གྲངས། 15 དེ་རིང་། 1)

གཤམ་གྱི་རྩོམ་ཡིག་རྣམས་ལ་སྐུ་ཉིད་ཐུགས་མཉེས་པོ་ཡོང་སྲིད།

དཔྱད་མཆན་སྤེལ།

ཁྱེད་ཀྱི་གློག་ཡིག་གི་ས་གནས་དེ་ཁྱབ་སྤེལ་བྱེད་ཀི་མིན། རྟགས * ཅན་ངེས་པར་དུ་བླུགས་དགོས།

མཚམས་སྦྱོར། རྩོམ་ཡིག་གོང་མ།
སྐུ་ཞབས་ལོ…