ལེགས་བཤད་ལམ་རིམ་ལས། ” ཀྱཻ་མ་སྙིགས་དུས་འདིར་སྐྱེས་པའི། །ཁྲི་གཙུག་བསྟན་ལ་གཤེ་བ་ཚོལ། །དེས་ནི་བུ་ཚས་ཕ་ཁུ་ཡི། །རིགས་རྒྱུད་ངན་པ་བཤད་དང་མཚུངས། ། ” ཞེས་གསུངས་སོ། །

གདན་ས་ཁྲི་བརྟན་ནོར་བུ་རྩེའི་དུས་མཆོད་ཉེ་ལམ་སྡེ་བཞི་དང་ཀུན་འབུམ་གོ་འབྱེད་གཉིས་འཚོགས་པའི་སྐོར།

དེ་ཡང་ཉེ་ལམ་སྡེ་བཞིའི་དུས་མཆོད་འདི་ནི་ཧོར་ཟླ་བཞི་པའི་ཚེས་བཅུ་གསུམ་ནས་བཅུ་དྲུག་བར་ཉིན་བཞི་རིང་ལ་ལོ་ལྟར་འཚོགས་ཀྱི་ཡོད་པ་རེད། འདི་ནི༸སྐྱབས་རྗེ་ཡོངས་འཛིན་རིན་པོ་ཆེ་མཆོག་གིས་དགོན་པ་འདི་ཕྱག་བཏབ་ནས་དགོངས་གཞི་དགོས་པ་རྒྱ་ཆེན་པོར་གཟིགས་ཏེ་འཚོགས་རྒྱུའི་སྲོལ་བཙུགས་པ་ཞིག་ཡིན།
དེ་བཞིན་དུ་ཀུན་འབུམ་གོ་འབྱེད་ཀྱི་སྒྲུབ་གཞུང་འདི་ནི་ཐོག་མར༸སྐྱབས་རྗེ་ཡོངས་འཛིན་རིན་པོ་ཆེས་དགོངས་གཞི་དགོས་པ་རྒྱ་ཆེན་པོ་ལ་གཟིགས་ཏེ་སྟོན་པ་རྫོགས་པའི་སངས་རྒྱས་ཀྱི་བཀའ་དྲི་མ་མེད་པ་རིག་པའི་གནས་ཆེན་ལྔ་ཡི་བྱུང་ཁུངས་ཀྱི་ཕུགས་ངོ་མ་ཀུན་འབུམ་གྱི་རྒྱུད་ལས། ཀུན་འབུམ་གོ་འབྱེད་ས་ཡི་ལྷ་དང་། ཀུན་སྒྲོལ་དྲག་པོ་རླུང་གི་ལྷ་དང་། ཀུན་འདུལ་ཆེན་པོ་ལྕགས་ཀྱི་ལྷ་དང་། ཀུན་འཇོམས་རྒྱལ་པོ་ཆུ་ཡི་ལྷ་དང་བཅས་སྒྲུབ་པའི་གཞུང་འདི་ཉིད་བསྒྲིགས་མཛད་དེ་ ༢༠༡༤ ལོའི་ཟླ་བ་ ༡༡ ནང་གདན་ས་ཁྲི་བརྟན་ནོར་བུ་རྩེའི་འདུས་མང་ཡོངས་ལ་ལྗགས་ལུང་བཀའ་དྲིན་བསྩལ། ༢༠༡༥ལོའི་ཟླ་༠༡ནང་ཀུན་འབུམ་གྱི་དཀྱིལ་འཁོར་ཞལ་ཐོག་མར་ཕྱེས་ཏེ་སྨྲ་དབང་ཡོངས་འཛིན་བླ་མ་མཆོག་གིས་ཉིན་གྲངས་གསུམ་གྱི་རིང་ལ་ཀུན་འབུམ་གྱི་དབང་བཞི་བཅས་བཀའ་དྲིན་བསྩལ་བ་དང་། ༢༠༡༧་ལོ་ནས་འགོ་བཟུང་སྟེ་དགོན་འདིའི་སྔར་རྒྱུན་གྱི་དུས་མཆོད་ཉེ་ལམ་སྡེ་བཞི་དང་ལྷན་དུ་ཀུན་འབུམ་གོ་འབྱེད་འདི་ཉིད་ཚོགས་སྲོལ་བྱུང་ཡོད། འདི་ལོར་ཡང་ཡངས་པའི་འཇིག་རྟེན་ཁམས་ཀྱི་མི་མཐུན་པའི་རྒུད་པ་ས་འགུལ་ཆུ་ལོག་དང་ནད་ཡམ་འཁྲུག་རྩོད་ཞི་ཞིང་སྣོད་བཅུད་ཞི་བདེའི་དཔལ་ལ་སྤྱོད་པ་སོགས་ཀྱི་ཆེད་དུ་དམིགས་ཏེ་སྔོན་འགྲོ་རྫས་བསགས་ཤིང་རིས་བལ་ཚོན་ཤིང་རྩི་དང་སྨན་རྫས་རྣམས་ཕུན་སུམ་འཚོགས་པར་བྱས་པ་དང་། མཚན་མ་རྡུལ་ཚོན་གྱི་དཀྱིལ་འཁོར་ལེགས་པར་བཏབ་ཅིང་། ༢༠༡༨། ༠༥། ༢༦ དང་ཧོར་ཟླ་བཞི་པའི་ཚེས་བཅུ་གཉིས་ཉིན་མདོ་གཡུང་དྲུང་ཀློང་རྒྱས་དང་ཉེ་ལམ་སྡེ་བཞི་གཉིས་ཀུན་འབུམ་གོ་འབྱེད་ཀྱི་བཅས་ཀྱི་མཆོད་བཟོ་ལེགས་པར་བྱས་ཏེ། ཚེས་པ་བཅུ་གསུམ་ཉིན་ནས་ཚོགས་ཁང་གསར་པའི་ནང་མདོ་གཡུང་དྲུང་ཀློང་རྒྱས་ཀྱིས་ཁོག་ཕུབ་ཏེ་ཉེ་ལམ་སྡེ་བཞིའི་དཀྱིལ་འཁོར་གཞུང་བསྲངས། ཚོགས་ཁང་རྙིང་པའི་ནང་བཀའ་རམས་པའི་འཛིན་གྲྭ་དང་སྒྲུབ་གྲྭ་བ་རྣམས་ཀྱིས་ཀུན་འབུམ་གོ་འབྱེད་ཀྱི་སྒྲུབ་ཐབས་གཞུང་བསྲངས་ཏེ། ཉིན་གྲངས་བཞི་ཡི་རིང་ལ་རྒྱས་འཚོགས་གནང་ནས་དེ་རིང་ཚེས་པ་བཅུ་དྲུག་གི་ཕྱི་དྲོར་མཇུག་ལེགས་པར་གྲུབ་པ་བཅས་ཀྱི་གནས་བསྡུས་སུ་ཁྱུང་ཐོག་རྒོད་ཀྱིས་༢༠༡༨། ༠༥། ༣༠ ཉིན་སྤེལ།། །།

60010cookie-checkགདན་ས་ཁྲི་བརྟན་ནོར་བུ་རྩེའི་དུས་མཆོད་ཉེ་ལམ་སྡེ་བཞི་དང་ཀུན་འབུམ་གོ་འབྱེད་གཉིས་འཚོགས་པའི་སྐོར།
(སྤྱིའི་གཟིགས་གྲངས། 26 དེ་རིང་། 1)

གཤམ་གྱི་རྩོམ་ཡིག་རྣམས་ལ་སྐུ་ཉིད་ཐུགས་མཉེས་པོ་ཡོང་སྲིད།

དཔྱད་མཆན་སྤེལ།

ཁྱེད་ཀྱི་གློག་ཡིག་གི་ས་གནས་དེ་ཁྱབ་སྤེལ་བྱེད་ཀི་མིན། རྟགས * ཅན་ངེས་པར་དུ་བླུགས་དགོས།

མཚམས་སྦྱོར། རྩོམ་ཡིག་གོང་མ།
ཉག་རོང་དབལ…
error: རྩོམ་འདི་བདག་དབང་ཅན་ཡིན།