ལེགས་བཤད་ལམ་རིམ་ལས། ” ཀྱཻ་མ་སྙིགས་དུས་འདིར་སྐྱེས་པའི། །ཁྲི་གཙུག་བསྟན་ལ་གཤེ་བ་ཚོལ། །དེས་ནི་བུ་ཚས་ཕ་ཁུ་ཡི། །རིགས་རྒྱུད་ངན་པ་བཤད་དང་མཚུངས། ། ” ཞེས་གསུངས་སོ། །

གཡུང་དྲུང་བོན་གྱི་དཀྱིལ་འཁོར།

རྩོམ་པ་པོ། མཛེས་རིས་སྒྱུ་རྩལ་པ་ལི་བློ་གསལ། <<ཁྲི་བརྟན་ནོར་བུ་རྩེ།>>

འགྲོ་ཀུན་འཁོར་མཚོ་བསྒྲལ་བའི་ཐབས་ཆེན་པོར།།
བོན་སྒོ་ཐེག་རྒྱུད་བསམ་གྱིས་མི་ཁྱབ་གསུངས།།
གསང་བ་གསང་ཆེན་ཐེག་པའི་འཇུག་སྒོ་ལ།།
བསྐྱེད་རྫོགས་ཟབ་མོ་དོན་གྱི་གཞི་རྩ་རུ།།
དཀྱིལ་འཁོར་བྱེ་བྲག་ཕྱི་ནང་གསང་གསུམ་བསྟན།།
རང་བཞིན་ཏིང་འཛིན་མཚན་མའི་དཀྱིལ་འཁོར་གསུམ།།

མ་བཅོས་ཁྱབ་བདལ་ཆེན་པོའི་རང་བཞིན་ལ།།
སྐུ་དང་ཡེ་ཤེས་མ་འགག་རོལ་པའི་རྩལ།།
དབྱེར་མེད་བདེ་བ་ཆེན་པོའི་ངོ་བོ་ཉིད།།
རང་བཞིན་དབྱིངས་ཀྱི་དཀྱིལ་འཁོར་དེ་ལ་བྱ།།

རྣལ་འབྱོར་ཏིང་འཛིན་རིག་པའི་ངོ་བོ་ལ།།
ཕྱི་སྣོད་གསང་ཆེན་ཐེག་པའི་གཞལ་ཡས་ཁང་།།
ནང་བཅུད་དཔལ་བོ་མཁའ་འགྲོ་རྒྱ་མཚོ་ཆེར།།
ཏིང་འཛིན་རིག་པའི་དཀྱིལ་འཁོར་སྒོམ་པའོ།།

མཚན་མ་རྡུལ་ཚོན་དཀྱིལ་འཁོར་ལ་ཡང་གསུམ།།
སླང་དང་འཇོག་དང་དབུབ་དང་རྣམ་གསུམ་སྟེ།།
སྒོ་རྩིག་ལྕོག་དང་ལྕགས་རི་བསླང་བའི་རིགས།།
གདུང་ལྕམ་ཡ་གད་ལ་སོགས་ཕུབ་པའི་རིགས།།

ལྷ་གདན་རིགས་རྟགས་ལ་སོགས་འཇོག་པའི་སྡེ།།
རྡུལ་ཚོན་རྣམ་པར་དག་པའི་ཐིག་ཆེན་ནི།།
སྣང་སྲིད་སྣོད་བཅུད་ཀློང་དུ་གདབ་པར་བྱ།།
ཆག་གདབ་ཐིག་དང་ཚོན་བཀྱེ་ས་བོན་འགོད།།
གཞུང་ལས་གསལ་བཞིན་ཆག་ཚད་ལྡན་པར་བྱའོ།།

མཚན་མ་རྡུལ་ཚོན་དཀྱིལ་འཁོར་མ་ཤེས་ན།།
ཏིང་འཛིན་རིག་པའི་དཀྱིལ་འཁོར་རྟོགས་ཐབས་མེད།།
དེ་མ་རྟོགས་ན་དབྱིངས་ཉིད་དོན་མི་རྟོགས།།
དེས་ན་རྡུལ་ཚོན་དཀྱིལ་འཁོར་ཤིན་ཏུ་གལ།།

དེ་ལ་དགེ་སྤྱོད་ཐིག་ཚོན་ནི།།
མཐའ་ཐིག་བཞི་དང་ཚངས་ཐིག་བཞི།།
དབུས་སུ་དྲངས་ཏེ་རིམ་གཉིས་བསྐོར།།

དེ་མུས་རྗེས་ནས་ཡོང་་་་་།

14470cookie-checkགཡུང་དྲུང་བོན་གྱི་དཀྱིལ་འཁོར།
(སྤྱིའི་གཟིགས་གྲངས། 5 དེ་རིང་། 1)

གཤམ་གྱི་རྩོམ་ཡིག་རྣམས་ལ་སྐུ་ཉིད་ཐུགས་མཉེས་པོ་ཡོང་སྲིད།

2 Responses

  1. ཧི་མ་ལ་ཡའི་རྒྱལ་སྲས། ལགས་ཀྱིས:

    ངོ་མ་རི་མོ་དེ་ཡག་འདུག ལི་བློ་གསལ་ལགས་ཀྱི་སྒྱུ་རྩལ་རི་མོ་གཞན་ཁག་ཀྱང་མཐོང་འདོད་བྱུང་།

  2. Zenaida ལགས་ཀྱིས:

    Muy bonita página, muchas bendiciones y amor. Los amo, gracias

དཔྱད་མཆན་སྤེལ།

ཁྱེད་ཀྱི་གློག་ཡིག་གི་ས་གནས་དེ་ཁྱབ་སྤེལ་བྱེད་ཀི་མིན། རྟགས * ཅན་ངེས་པར་དུ་བླུགས་དགོས།

མཚམས་སྦྱོར། རྩོམ་ཡིག་གོང་མ།
  &nb…
error: རྩོམ་འདི་བདག་དབང་ཅན་ཡིན།