གཟི་ཚའི་ས་ཡོམ་ཁྲོད་རྐྱེན་འདས་སུ་གྱུར་པ་རྣམས་ལ་ཐུགས་སྨོན་གནང་བ།
༄༅། །བསླབ་གསུམ་བསྟན་པའི་སྲོལ་འཛིན་མང་ཚོགས་སེམས་དཔའ་རྒྱ་མཚོའི་གསེར་སྙན་རིན་པོ་ཆེར་སྒོ་གསུམ་གུས་པ་ཆེན་པོས་
ཞུ་གསོལ་འདེབས་དོན།།
ད་ལམ་སྤྱི་ལོ།༢༠༡༧ཟླ་བ།༨ཚེས།༨ཉིན་རང་རིགས་བོན་འབངས་ཤ་མར་འཚོ་བའི་གཟི་ཚ་སྡེ་དགུའི་ཕྱོགས་སུ་རང་བྱུང་ས་ཡོམ་གྱི་གོད་ཆག་བྱུང་བ་ལ་བརྟེན་ནས་དེའི་ཕྱོགས་ཀྱི་རང་རེའི་ཡུལ་ལུང་སྤྱི་དང་ལྷག་པར་གཡུང་དྲུང་དར་རྒྱས་གླིང་དགོན་ཆེན་བཅས་ལ་མི་རྒྱུ་གཉིས་ཆ་ནས་སྐྱོན་ཆག་ཚབས་ཆེན་ཕོག་ཡོད་པ་དང་། མི་མང་པོ་འཆི་བ་དང་རྨས་སྐྱོན་ཚབས་ཆེན་བྱུང་བ། སྡོད་ཁང་དགོན་པའི་རྟེན་དང་བརྟེན་པ་བཅས་པར་ཞིག་རལ་གྱི་གནས་ཚུལ་ཉམས་ཉེས་ཚབས་ཆེན་བྱུང་བར་ཤིན་ཏུ་བློ་ཕམ་དང་གདུང་སེམས་མཉམ་བསྐྱེད་ཞུ་རྒྱུ་དང་། ས་ཡོམ་དེས་རྐྱེན་པས་ཕྱི་མའི་སྔ་ལམ་དུ་གྱུར་པ་གང་དག་མྱུར་དུ་རྫོགས་བྱང་གི་གོ་འཕང་རིན་པོ་ཆེ་འཐོབ་པ་དང་།ཤུལ་ལུས་རྣམས་ཀྱི་མི་བདེའི་གདུང་བ་ཞི་བ། སླད་ཕྱིན་ཡངས་པའི་ཁམས་ཀུན་ཏུ་ས་འགུལ་ཆུ་ལོག་སོགས་འབྱུང་བ་འཁྲུག་པའི་འགལ་རྐྱེན་ངན་པ་སོགས་གང་ཡང་མི་འབྱུང་བའི་ཆེད་དམིགས།འདི་ག་དཔལ་ལྡན་ཁྲི་བརྟན་ནོར་བུ་རྩེའི་གྲྭ་ཚང་ནས་བར་ཆོད་ལམ་སེལ་བསྐང་གསོལ་ཕྲིན་བཅོལ་དང་སྨོན་ལམ་མང་ཇའི་མཆོད་འབུལ་ཞུ་བ་ལགས་ནས་དེ་ལུགས་སུ་དགེ་འདུན་འདུས་པ་རྒྱ་མཚོས་ཀྱང་ཐུགས་སྨོན་སྐྱབས་འཇུག་བརྕེ་ཆེན་ཡེ་ཤེས་ཀྱི་ཀློང་ནས་མི་འདོར་བ་མཁྱེན་མཁྱེན།
དཔལ་ལྡན་ཁྲི་བརྟན་ནོར་བུ་རྩེའི་གྲྭ་ཚང་ནས།
སྤྱི་ལོ། ༢༠༡༧ ཟླ་བ། ༨ ཚེས། ༡༢
