ལེགས་བཤད་ལམ་རིམ་ལས། ” ཀྱཻ་མ་སྙིགས་དུས་འདིར་སྐྱེས་པའི། །ཁྲི་གཙུག་བསྟན་ལ་གཤེ་བ་ཚོལ། །དེས་ནི་བུ་ཚས་ཕ་ཁུ་ཡི། །རིགས་རྒྱུད་ངན་པ་བཤད་དང་མཚུངས། ། ” ཞེས་གསུངས་སོ། །

བགྲེས་པོའི་འབེལ་གཏམ་འདོན་ཐེངས་བཅུ་དགུ་པ་གསར་ཐོན་བྱུང་བ།

གདན་ས་ཁྲི་བརྟན་ནོར་བུ་རྩེའི་ལོ་དེབ་བགྲེས་པོའི་འབེལ་གཏམ་འདོན་ཐེངས་བཅུ་དགུ་པ་གསར་ཐོན་བྱུང་བ།

བགྲེས་པོའི་སྔོན་གླེང་ལོ་དུས་ཀྱི་རྔ་སྒྲ།

 བརྡ་འཕྲིན་དང་དྲ་རྒྱའི་དུས་རབས་སུ་བསྙད་པའི་ཁ་སང་དེ་རིང་གི་མི་རབས་ཚོར་ལག་པར་རེག་རྒྱུ་འབེལ། རྣ་བར་གོ་རྒྱུ་མང་། མིག་ལ་མཐོང་རྒྱུའང་དེ་བས་མོད་པས། ཡིད་སུན་ཞིང་རྣ་གཙེར་ཙམ་ལས་བཟོད་བདེ་བག་ཕེབས་ཤིག་ལར་ནས་མེད་པར་སྣང། མདོར་ན་དབང་པོ་སྒོ་ལྔའང་བྲེལ་ཞིང་རྒོད་པའི་ངང་དཔལ་འབྱོར་སྡུད་གསོག་རང་གལ་འགངས་ཆེ་ཤོས་སུ་བཟུང་སྟབས། ད་ནི་ཕ་སྐད་དང་ཡི་གེ སྲོལ་རྒྱུན་དང་རིག་གཞུང་སོགས་ཕ་ཤུལ་བུས་འཛིན་དང་། དེ་བཞིན་མ་བུའི་བརྩེ་གདུང།  མིང་སྲིང་མཛའ་མཐུན། གཉེན་ཉེའི་འབྲེལ་ལམ། རྒན་བཀུར་གཞོན་བྱམས་ཞེས་པ་རྣམས་ནི་ཉིན་རེ་ནས་མར་འབྲིད་བཞིན་པའི་དཀྱོགས་མཚམས་སུ་བསླེབས། 

རྒྱུ་མཚན་དེ་དག་ལ་བརྟེན་འདི་ནས་ཤེས་རིག་གི་སྦྲང་རྩི་བཞོ་རྒྱུ་ཡོད་ལ། ཉམས་མྱོང་གི་ལེགས་ཆ་བཏུ་རྒྱུའང་ཡོད། འདི་ན་དགེ་རྒན་བཟང་པོའི་བསླབ་བྱ་ཡོད་ལ། སློབ་མ་གཡུང་པོའི་ལྷག་བསམ་ཡང་ཡོད། འདི་ན་ཞང་བོད་མེས་པོའི་ཞལ་ཆེམས་ཡོད་ལ། ལོ་རྒྱུས་མང་པོའི་བྱུང་རབས་ཀྱང་ཡོད། དེས་ན་འདི་དག་བཀླགས་ན་གོ་རྒྱུ་རྙེད་ལ། གྱེར་ན་ནང་དོན་ཟབ། མཉན་ན་ཚིག་སྦྱོར་འཇེབས། སྤྱད་ན་བློ་བསྐྱེད་ཐོབ་པར་ངེས་སོ། །

དེས་ན་འདོན་ཐེངས་འདི་ཉིད་ལའང་རྒྱུན་ལྡན་ལྟར་འདིར་བཞུགས་རྩོམ་པ་པོ་དག་གིས་གཙོས་པའི་གསར་ཞུགས་སློབ་གཉེར་བ་རེ་ཟུང་དང་། ཕྱོགས་བཞུགས་རྩོམ་པ་པོ་རེ་འགའ་བཅས་ནས་ཀྱང་རྩོམ་ཡིག་ཞལ་འདེབས་ཀྱི་མཐུན་སྦྱོར་བཀའ་དྲིན་ཆེ་ཞིང་། དེ་མཚུངས་སུ་ངེད་བགྲེས་པོ་ཚང་གི་རྩོམ་སྒྲིག་ལས་རོགས་རྣམས་ཀྱིས་སློབ་པ་ལམ་ཞུགས་ཀྱི་བར་གསེང་ནས་ཀྱང་དུས་ཚོད་ཆེད་བཏང་མཛད་ནས་རྩོམ་ཡིག་སྒྲིག་སྦྱོར་དང་གནས་ཚུལ་བསྡུ་རུབ་སོགས་ལ་ངལ་བ་འཁུར་དུ་བླངས་ཡོད་པས་ན་འདི་ནས་ཀྱང་བཀའ་དྲིན་སྙིང་ཐག་པ་ནས་ཆེ་ཞུའོ།། །།

གཙོ་སྒྲིག་པ་ཆོས་འཁོར་ཚང་གཡུང་དྲུང་རྒྱ་མཚོས།

གནས་ཚུལ་མཐུན་སྦྱོར་བ་ཆོས་འཁོར་དགེ་བཤེས་གཡུང་དྲུང་རྒྱ་མཚོ།

(སྤྱིའི་གཟིགས་གྲངས། 1,105 དེ་རིང་། 1)

གཤམ་གྱི་རྩོམ་ཡིག་རྣམས་ལ་སྐུ་ཉིད་ཐུགས་མཉེས་པོ་ཡོང་སྲིད།

དཔྱད་མཆན་སྤེལ།

ཁྱེད་ཀྱི་གློག་ཡིག་གི་ས་གནས་དེ་ཁྱབ་སྤེལ་བྱེད་ཀི་མིན། རྟགས * ཅན་ངེས་པར་དུ་བླུགས་དགོས།

མཚམས་སྦྱོར། རྩོམ་ཡིག་གོང་མ།
ཨེ་མ་ཧོ། ཚ…
error: རྩོམ་འདི་བདག་དབང་ཅན་ཡིན།