༧སྐྱབས་རྗེ་ཡོངས་འཛིན་རིན་པོ་ཆེ་མཆོག་དང་མཁན་རིན་པོ་ཆེ་རྣམ་གཉིས་རང་དགོན་དུ་ཞབས་སོར་བདེ་བར་འཁོད་པ།
༧སྐྱབས་རྗེ་ཡོངས་འཛིན་རིན་པོ་ཆེ་མཆོག་དང་། མཁན་རིན་པོ་ཆེ་ལུང་རྟོགས་བསྟན་པ་གཡུང་དྲུང་རྣམ་གཉིས་རང་དགོན་དུ་ཞབས་སོར་འཁོད་པ།
གཡུང་དྲུང་བོན་གྱི་བསྟན་པའི་གཙུག་རྒྱན་༸སྐྱབས་རྗེ་ཡོངས་འཛིན་སློབ་དཔོན་རིན་པོ་ཆེ་མཆོག་དང་། 
མཁན་རིན་པོ་ཆེ་ལུང་རྟོགས་བསྟན་པ་གཡུང་དྲུང་རྣམ་གཉིས་ཧྥ་རན་སི་གཤེན་བསྟན་དར་རྒྱས་གླིང་གཙོས་པའི་ནུབ་གླིང་ཡུལ་གྲུ་ཁག་ཏུ་ཆིབས་བསྒྱུར་བཀའ་དྲིན་བསྐྱངས་ནས་རླབས་ཆེན་བསྟན་འགྲོའི་དོན་མཛད་དེ། སླར་ཕྱི་ལོ་ ༢༠༡༥ ཟླ་ ༡༡ ཚེས་ ༡༨ དགོང་མོར་རྒྱལ་ས་(Paris)པ་རིས་སུ་གནམ་ཐང་ནས་(doha airport)དྷོ་ཧ་གནམ་ཐང་བརྒྱུད་དེ། ཕྱི་ཚེས་ ༡༩ ཉིན་བལ་ཡུལ་རྒྱལ་ས་(Kathmandu)ཀ་ཐ་མན་གྲུའི་གནམ་ཐང་དུ་ཞབས་སོར་བདེ་བར་འཁོད།
ཕྱི་ཚེས་ ༡༩ ཉིན་གྱི་ཕྱི་དྲོའི་ཕྱག་ཚོད་ ༤ ཐོག་རང་དགོན་དུ་ཞབས་སོར་འཁོད་པ་དང་བསྟུན། གདན་ས་ཆེན་མོ་དཔལ་ལྡན་ཁྲི་བརྟན་ནོར་བུའི་རྩེའི་གྲྭ་ཚང་དང་ལྷ་སྡེ་མང་ཚོགས་ཡོངས་ཀྱིས་སྤྲོ་སེམས་འཁོར་བའི་ངང་ནས་ཕེབས་བསུ་དང་མཇལ་ཁ་ཞུས་ཏེ་བླ་སློབ་མཉམ་འཛོམ་གྱི་སྐལ་བཟང་བྱུང་བ་ནི་མི་ཚེའི་འོད་སྣང་ཞིག་གོ།
ཏི་སེའི་བུ་ནས་ ༢༠༡༥། ༡༡། ༡༩ ཉིན་སྤེལ།
