༸རྒྱལ་བ་སྨན་རིའི་ཁྲི་འཛིན་སོ་བཞི་པ་མཆོག་གདན་ས་ཁྲི་བརྟན་ནོར་བུའི་རྩེར་ཆིབས་སྒྱུར་ཐེངས་དང་པོ་བསྐྱངས་པ།
༸སྐྱབས་རྗེ་རྒྱལ་བ་སྨན་རིའི་ཁྲི་འཛིན་སོ་བཞི་པ་རིན་པོ་ཆེ་མཆོག་སྟོན་འཁོར་དང་བཅས་རྒྱ་གར་ནས་བལ་ཡུལ་གནམ་ཐང་བརྒྱུད་དེ་འདི་ཟླའི་ཕྱི་ཚེས་ ༢༡ ཉིན་གཡུང་དྲུང་བོན་གྱི་གདན་ས་ཆེན་མོ་དཔལ་ལྡན་ཁྲི་བརྟན་ནོར་བུའི་རྩེ་རུ་༸སྐྱབས་རྗེ་ཡོངས་འཛིན་སློབ་དཔོན་བསྟན་འཛིན་རྣམ་དག་རིན་པོ་ཆེའི་དྲུང་ནས་བཀའ་གདམས་བྱིན་རླབས་ཀྱི་འབྲེལ་འཇོག་ཆེད་དངོས་སུ་ཆིབས་བསྒྱུར་ཐེངས་དང་པོར་བསྐྱངས་བ་ལྟར་འདུས་སྤྱི་ནས་སེར་ཕྲེང་གིས་ཕེབས་བསུ་ཟབ་རྒྱས་ཞུས་པ་དང་།
འབྲེལ་ཡོད་དད་ལྡན་ལྷ་སྡེ་རྣམས་ཀྱིས་དྲི་མེད་དྭངས་གཙང་ཁ་བཏགས་ཀྱིས་བསུ་བ་དང་བཅས་གཙུག་ལག་ཁང་དུ་གདན་དྲངས་ནས་གཅན་ལྔ་རིན་ཆེན་གྱི་ཁྲི་ལ་བཞུགས་སུ་གསོལ་ཏེ་མཚན་ལྡན་བླ་མ་མཆོད་ཐབས་ཀྱི་སྒོ་ནས་མནྜལ་འདེགས་འབུལ་ཞུས་ཤིང་འདུས་མང་དང་དད་ལྡན་ལྷ་སྡེ་རྣམས་ཀྱིས་མཇལ་ཁ་ཞུས།
དེ་ནས་སྤྱན་རྒྱ་སྤོས་མེ་དང་བཅས་བླ་བྲང་དུ་གདན་ཞུས་བྱས་པའི་གནས་བསྡུས་སུ་མེ་ལོང་ཡེ་ཤེས་གཙོ་སྒྲུབ་པས། ཕྱི་ལོ་ ༢༠༡༨ ཟླ་ ༠༣ ཚེས། ༢༡ ཉིན།