ལེགས་བཤད་ལམ་རིམ་ལས། ” ཀྱཻ་མ་སྙིགས་དུས་འདིར་སྐྱེས་པའི། །ཁྲི་གཙུག་བསྟན་ལ་གཤེ་བ་ཚོལ། །དེས་ནི་བུ་ཚས་ཕ་ཁུ་ཡི། །རིགས་རྒྱུད་ངན་པ་བཤད་དང་མཚུངས། ། ” ཞེས་གསུངས་སོ། །

དཔལ་ལྡན་ཁྲི་བརྟན་ནོར་བུ་རྩེའི་ལོ་འཁོར་བྲིས་རྒྱུགས་ཆེན་མོ་མཇུག་གྲུབ་པ།

      གཡུང་དྲུང་བོན་གྱི་ཆེས་མཐོའི་གཙུག་ལག་སློབ་གཉེར་ཁང”གི་གཞི་རྩའི་སྒྲིག་ལམ་ལྟར་ལོ་བསྟར་བཞིན་བོད་ཟླ་བརྒྱད་པའི་ནང་གི་རྩོད་རྒྱུགས་ཆེན་མོ་དང་། བོད་ཟླ་བཅུ་པའི་ནང་གི་ཚད་མ་རིགས་སྒྲ་ཆེན་མོ་དང་། བོད་ཟླ་བཅུ་གཅིག་ནང་གི་བྲིས་རྒྱུགས་ཆེན་མོ་བཅས་ཀྱི་སྒོ་ནས་བཤད་སྒྲུབ་སློབ་ གཉེར་བ་རྣམས་ཀྱི་རིགས་ལམ་ལ་སྐུལ་ལྕག་དང་སློབ་སྦྱོང་གོང་འཕེལ་གཏོང་བའི་ཐབས་ལམ་ཇི་དགེ་འདོན་བཞིན་ཡོད་པ་མ་ཟད། ཚོགས་དང་འཆད་རར་ཞུགས་ཚད་དང་། དེ་བཞིན་རིག་གནས་དང་རྩ་གཞུང་འགྲེལ་བ་བཅས་ངག་རྒྱུགས། དཔེ་བརྗོད། ཤོག་ཁྲ་བཅས་དུས་ཐོག་ཏུ་འབུལ་ཐུབ་མིན་བཅས་ཀྱི་སྒོ་ནས་ལོ་རེའི་བརྒྱ་ཆའི་ཚད་གཞིའི་སྟེང་འཛིན་རིམ་གོང་འོག་འཕར་ཆག་གནང་བཞིན་ཡོད་པ་ནི། ཆེས་མཐོའི་སློབ་གླིང་ཁང་གང་ཞིག་གིས་ཤེས་ཡོན་དང་། སློབ་གསོ་གོང་འཕེལ་གཏོང་སྟངས་ཀྱི་ཚད་གཞི་འཛིན་ས་ལྟ་བུ་ཞིག་ཀྱང་ཡིན་པ་རེད། དེ་ལྟར”གཡུང་དྲུང་བོན་གྱི་ཆེས་མཐོའི་གཙུག་ལག་སློབ་གཉེར་ཁང”གི་ཚད་མའི་རིགས་སྒྲ་ཆེན་མོ་དང་རྩོད་རྒྱུགས་ཆེན་མོ་གཉིས་རིམ་བཞིན་ལེགས་གྲུབ་ཟིན་པ་དང་། བྲིས་རྒྱུགས་ཆེན་མོ་འདིར་འཛིན་རིམ་བཅུ་གསུམ་གྱི་རིམ་པ་ལྟར་རྒྱུགས་ཤོག་རྣམས་དཔོན་སློབ་རིན་པོ་ཆེ་དང་སྒྲུབ་མཁན་རིན་པོ་ཆེ་རྣམ་གཉིས་གཙོས་དགེ་རྒན་རྣམ་པས་ཚད་མཐུན་གྱི་སྒོ་ནས་གཏན་འབེབ་གནང་སྟེ།

      འདི་ལོའི་ལོ་འཁོར་གྱི་བྲིས་རྒྱུགས་ཆེན་མོ་དེ་ཉིད་ཕྱི་ཟླ་གཉིས་པའི་ཚེས་གཅིག་ཉིན་གྱི་ཞོགས་པ་འཁོར་དུས་དགུ་པ་ནས་དབུ་འཛུགས་ཞུས་ཏེ་སྔ་དྲོ་འཛིན་གྲྭ་རྒན་པ་རྣམས་དང་། ཕྱི་དྲོར་འཛིན་གྲྭ་གཞོན་པ་རྣམས་བྲིས་རྒྱུགས་བཏང་ནས་ཕྱི་དྲོའི་ཆུ་ཚོད་ལྔ་པའི་ཐོག་མཇུག་བསྡུ་ལེགས་གྲུབ་བྱུང་བའི་གནས་ཚུལ་མདོར་བསྡུས་སོ།། །།དགེ་བཤེས་བསྟན་འཛིན་སྦྱིན་པ་ནས་ཟླ་ཚེས། 11-02-03

76590cookie-checkདཔལ་ལྡན་ཁྲི་བརྟན་ནོར་བུ་རྩེའི་ལོ་འཁོར་བྲིས་རྒྱུགས་ཆེན་མོ་མཇུག་གྲུབ་པ།
(སྤྱིའི་གཟིགས་གྲངས། 77 དེ་རིང་། 1)

གཤམ་གྱི་རྩོམ་ཡིག་རྣམས་ལ་སྐུ་ཉིད་ཐུགས་མཉེས་པོ་ཡོང་སྲིད།

དཔྱད་མཆན་སྤེལ།

ཁྱེད་ཀྱི་གློག་ཡིག་གི་ས་གནས་དེ་ཁྱབ་སྤེལ་བྱེད་ཀི་མིན། རྟགས * ཅན་ངེས་པར་དུ་བླུགས་དགོས།

མཚམས་སྦྱོར། རྩོམ་ཡིག་གོང་མ།
སྤངས་དང་རྟ…
error: རྩོམ་འདི་བདག་དབང་ཅན་ཡིན།