ལེགས་བཤད་ལམ་རིམ་ལས། ” ཀྱཻ་མ་སྙིགས་དུས་འདིར་སྐྱེས་པའི། །ཁྲི་གཙུག་བསྟན་ལ་གཤེ་བ་ཚོལ། །དེས་ནི་བུ་ཚས་ཕ་ཁུ་ཡི། །རིགས་རྒྱུད་ངན་པ་བཤད་དང་མཚུངས། ། ” ཞེས་གསུངས་སོ། །

ཆར་རླུང་འོག་གི་རྣམ་ཤེས།

           རྩོམ་པ་པོ།             •རྭ་དུང་།

མཐའ་དྲུག་རི་མོ་རྡུལ་གྱིས་བསུབས་པའི་རྐང་ལམ་ཞིག་གི་སྣེ་རུ་འཇུས།།
རྣམ་ཤེས་གསོན་པོ་ཆར་གྱིས་བརླན་ཞིང་ལམ་གྱི་ཕྱི་ནང་ཆུ་ཡི་རྒྱུན།།
འཇབ་མའི་རླུང་གིས་བསྐྱོད་སྟངས་ཤིག་གིས་སྡང་བའི་ན་ཟུག་བྲང་དུ་བསྒུལ།།
སྨྲེང་བའི་རྡུལ་གཏམ་དབྱངས་སུ་གྱེར་ཏེ་དྲན་པའི་མིག་ཟུང་རྒྱང་དུ་ཅེར།།

ཆར་པའི་བཞུར་སྒྲ་ལྷང་ལྷང་འབྱིན་ཏེ་སྐྱོ་བ་མག་མོག་མཁའ་རུ་ལྡིང་།།
གློག་འོད་ཚོམ་ཚོམ་དྲག་ཏུ་འགྱུར་ཏེ་བླ་སྲོག་ཕྱེད་ཀ་ཁད་ཀྱིས་བཅད།།
དྲན་པ་རྒོད་པོ་སེམས་སུ་ཉར་ཏེ་འཁྲེང་བའི་གཞས་ཆུང་གྱེར་དུ་འདོན།།
གཏད་སོ་མེད་པའི་ཁེར་བཞུད་པ་ཡིས་རྣམ་ཤེས་གསོན་པོ་རི་ལ་བྲོས།།

མུ་མཐའ་མེད་པའི་འཇིག་རྟེན་དེ་རུ་ཆས་པའི་སྣང་བ་གསོན་མོད་ཀྱང་།།
རྦ་རླབས་འཁྱིལ་བའི་མཚོ་མོ་སྟོང་གི་ལམ་གྱིས་རི་མོ་བསུབས་ཡོད་ཅིག།
སྣང་བ་མོས་པའི་འོས་འཚམ་ཞིག་གིས་ཁྱེད་ཀྱི་ཕྱོགས་སུ་བལྟས་ཡོད་ཀྱང་།།
མཚོ་མོའི་རབ་ཁ་འགུལ་སྟངས་ཤིག་གིས་མདུན་གྱི་རྐང་ལམ་ཆུ་ཡིས་བཀག།

ངུ་ངག་འོས་པའི་ན་ཟུག་རྒོད་པོ་ང་ཡི་སེམས་ལ་བསླངས་ཡོད་ཀྱང་།།
རྒྱུད་ལ་ཐོགས་པའི་རོལ་དབྱངས་དམར་པོ་ཁྱོད་ཀྱིས་ཕྱོགས་སུ་ཅེར་འདོད་པས།།
སྨྲེང་བའི་གཏམ་ལ་ཡིད་ཆེས་དབེན་པའི་གཏན་ཚིགས་ཞིག་ཀྱང་སེམས་ལ་ཐོགས།།
དྲན་པས་མནར་བའི་སེམས་ཚོར་གཅིག་པུར་མཐའ་མེད་ལྷོ་ཡི་ཕྱོགས་སུ་ཆས།།

17770cookie-checkཆར་རླུང་འོག་གི་རྣམ་ཤེས།
(སྤྱིའི་གཟིགས་གྲངས། 2 དེ་རིང་། 1)

གཤམ་གྱི་རྩོམ་ཡིག་རྣམས་ལ་སྐུ་ཉིད་ཐུགས་མཉེས་པོ་ཡོང་སྲིད།

དཔྱད་མཆན་སྤེལ།

ཁྱེད་ཀྱི་གློག་ཡིག་གི་ས་གནས་དེ་ཁྱབ་སྤེལ་བྱེད་ཀི་མིན། རྟགས * ཅན་ངེས་པར་དུ་བླུགས་དགོས།

མཚམས་སྦྱོར། རྩོམ་ཡིག་གོང་མ།
༄༅།། །།ཁོད…
error: རྩོམ་འདི་བདག་དབང་ཅན་ཡིན།