གདན་ས་ཁྲི་བརྟན་ནོར་བུ་རྩེའི་སྔར་སྲོལ་གསོ་རིག་འབུམ་བཞི་སློབ་གྲྭའི་ལོ་ཕྱེད་རྒྱུགས་སྤྲོད།
སློབ་གྲྭ་ཁག་ཏུ་སློབ་ཕྲུག་ཚོར་ཤེས་ཡོན་ཡར་བསྐུར་གྱི་གཙོ་གནད་ལ་དམིགས་ཏེ་རྒྱུགས་སྤྲོད་བྱེད་པའི་ལམ་སྲོལ་ཡོད་པ་གཞིར་བཟུང་འདི་ག་༧གདན་ས་ཁྲི་བརྟན་ནོར་བུ་རྩེའི་གསོ་རིག་སྡེ་ཚན་སྔར་སྲོལ་གསོ་རིགས་འབུམ་བཞི་སློབ་གྲྭར་ལོ་ལྟར་ལོ་ཕྱེད་རྒྱུགས་སྤྲོད་ཆེན་མོ་དང་ལོ་མཇུག་རྒྱུགས་སྤྲོད་ཆེན་མོ་གཉིས་གཏོང་སྲོལ་ཡོད། དེའང་འདི་ལོའི་ལོ་ཕྱེད་རྒྱུགས་སྤྲོད་ཆེན་མོ་དེ་ཉིད་ཕྱི་ལོ་ ༢༠༢༣ ཟླ་ ༧ ཚེས་ ༢༥ ཉིན་སྔ་དྲོ་ནས་དབུ་བཟུང་སྟེ་ཉིན་འདིའི་སྔ་དྲོར་བལ་སྐད་དང་ཕྱི་དྲོར་བོད་སྨན་གྱི་རྒྱལ་རབས་བཅས་བྲིས་རྒྱུགས་བྱས། ཚེས་ ༢༦ ཉིན་སྔ་དྲོར་ཨང་རྩིས་དང་ཕྱི་དྲོར་བརྡ་སྤྲོད་དང་སྙན་ངག་བཅས་བྲིས་རྒྱུགས། ཚེས་ ༢༧ ཉིན་སྔར་དྲོར་དབྱིན་ཡིག་བྲིས་རྒྱུགས། ཚེས་ ༢༨ ཉིན་སྔ་དྲོར་གསོ་བ་རིག་པའི་བྲིས་རྒྱུགས། ཚེས་ ༢༩ ཉིན་ངལ་གསོ། ཚེས་ ༣༠ དང་ཚེས་ ༣༡ བཅས་ཉིན་ཁྱོན་གཉིས་རིང་གསོ་རིག་སྨན་གྱི་ངག་རྒྱུགས་ཕུལ་ཡོད་པ་དང་རྒྱུགས་སྤྲོད་སྐབས་སློབ་ཚན་སོ་སོའི་དགེ་རྒན་རྣམ་པ་ཆེད་ཕེབས་ཀྱིས་གཟིགས་ཞིབ་གནང་ཡོད་པ་བཅས་ཀྱི་གནས་བསྡུས་སུ་མེ་ལོང་ཡེ་ཤེས་དྲ་བའི་གཙོ་སྒྲུབ་པས་ ༢༠༢༣/༧/༣༡ ཉིན།
པར་པ་ཁྱུང་ཐོག་རྒོད།
