ལེགས་བཤད་ལམ་རིམ་ལས། ” ཀྱཻ་མ་སྙིགས་དུས་འདིར་སྐྱེས་པའི། །ཁྲི་གཙུག་བསྟན་ལ་གཤེ་བ་ཚོལ། །དེས་ནི་བུ་ཚས་ཕ་ཁུ་ཡི། །རིགས་རྒྱུད་ངན་པ་བཤད་དང་མཚུངས། ། ” ཞེས་གསུངས་སོ། །

༧ཡོངས་འཛིན་བླ་མ་རྒྱང་འབོད་བཞུགས།

ཨ་ཧོ། 

བསྟན་པའི་མཆོག་གྱུར་གཤེན་བསྟན་གཡུང་དྲུང་གི་བོན་བསྟན། །

འཛིན་སྐྱོང་སྤེལ་བའི་བསྟན་འཛིན་ཁྲི་འབུམ་གྱི་གཙུག་རྒྱན། ། 

རྣམ་བཞིའི་མཁན་པོའི་རྣམ་རོལ་བསླབ་གསུམ་གྱི་བདག་ཉིད། །

དག་པའི་ཁྲིམས་ལྡན་ཡང་དག་བླ་མ་མཆོག་མཁྱེན་ནོ། ། 

 

མདོ་སྔགས་རྫོགས་གསུམ་དབང་ལུང་སྡོམ་རྒྱུད་ཀྱི་བདག་པོ། ། 

ལུང་དང་རྟོགས་པའི་བསྟན་འཛིན་གྲངས་མེད་ཀྱི་བླ་མ། །

བཤད་སྒྲུབ་སྒོམ་སྡེ་འབུམ་གྱི་གདམ་ཁྲིད་ཀྱི་སློབ་དཔོན། །

བསྐལ་ཁུག་སངས་རྒྱས་དངོས་བྱོན་ཡོངས་འཛིན་མཆོག་མཁྱེན་ནོ། །

 

ཉག་གཅིག་ངང་རྒྱུད་སྐྱོང་བའི་རྫོགས་ཆེན་གྱི་རྣལ་འབྱོར། ། 

རིམ་གཉིས་དག་རྫོགས་སྨིན་པའི་གསང་སྔགས་ཀྱི་རིག་འཛིན། །

བསླབ་གསུམ་བསྟན་པའི་སྲོག་ཤིང་འདུལ་བ་ཡི་མཁན་པོ། །

རྒྱུད་གསུམ་བསྟན་པའི་མངའ་བདག་སློབ་དཔོན་མཆོག་མཁྱེན་ནོ། །

 

བདེར་གཤེགས་རིག་འཛིན་ཁྱེད་ཀྱི་མཁྱེན་བརྩེ་ཡི་ནུས་མཐུས། ། 

མདོ་སྔགས་བོན་བསྟན་འཆད་རྩོད་སྒོམ་སྒྲུབ་ཀྱིས་འཛིན་པའི། །

བསྟན་འཛིན་སྐྱེས་མཆོག་ས་ཡི་རྡུལ་གྲངས་ལྟར་འཕེལ་ནས། ། 

འགྲོ་བ་ཁ་ལོ་བསྒྱུར་བའི་མཐུ་སྟོབས་དེ་སྩོལད་ཅིག །

 

ཅེས་པའང་ཞུ་འོད་ཟེར་མཐར་རྒྱས་པས། ༢༠༢༥།༧།༥ཉིན་རྐོང་ཡུལ་བྲེ་སྣ་ནས་གསོལ་བ་བཏབ་པའོ།།

དགེའོ།། དགེའོ།། དགེའོ།།

(སྤྱིའི་གཟིགས་གྲངས། 253 དེ་རིང་། 1)

གཤམ་གྱི་རྩོམ་ཡིག་རྣམས་ལ་སྐུ་ཉིད་ཐུགས་མཉེས་པོ་ཡོང་སྲིད།

དཔྱད་མཆན་སྤེལ།

ཁྱེད་ཀྱི་གློག་ཡིག་གི་ས་གནས་དེ་ཁྱབ་སྤེལ་བྱེད་ཀི་མིན། རྟགས * ཅན་ངེས་པར་དུ་བླུགས་དགོས།

མཚམས་སྦྱོར། རྩོམ་ཡིག་གོང་མ།
དུང་སོ་མུ་…
error: རྩོམ་འདི་བདག་དབང་ཅན་ཡིན།