སྲིད་པའི་མཛོད་ཕུགས།
ང་དྲུག་ནི། །ཆེན་པོ་སྟོང་པ་དྲུག་བསྟན་པ། །ཆེན་པོ་སྟོང་པའི་མཆོག་ལྡན་པས། །བླ་མེད་འབྲས་བུ་ཐོབ་པ་དང་། །དཔག་མེད་སྟོང་རྟོགས་མཚན་ཉིད་འཛིན། །དེ་བཞིན་ཆེན་པོ་སྟོང་པ་ཡིས། །བླ་མེད་འབྲས་བུ་ཐོབ་པ་ནི། །ནམ་མཁའ་སྟོང་རྟོགས་མཚན་ཉིད་འཛིན། །ཡོངས་སུ་ཆེན་པོ་སྟོང་པ་ཡིས། །བླ་མེད་འབྲས་བུ་ཐོབ་པ་ནི། །ཁྱབ་བདལ་སྟོང་པའི་མཚན་ཉིད་འཛིན། །རབ་ཏུ་ཆེན་པོ་སྟོང་པ་ཡིས། །བླ་མེད་འབྲས་བུ་ཐོབ་པ་ནི། །ཐུགས་རྗེ་ཆེ་སྟོང་མཚན་ཉིད་འཛིན། །ངོ་བོ་ཉིད་སྟོང་ཆེན་པོ་ཡིས། །བླ་མེད་འབྲས་བུ་ཐོབ་པ་ནི། །རྒྱ་མ་ཆད་སྟོང་མཚན་ཉིད་འཛིན། །རྒྱ་ཆེ་ངང་གི་ཀུན་སྟོང་པས། །བླ་མེད་འབྲས་བུ་ཐོབ་པ་ནི། །སྟོང་ཆེན་མི་དམིགས་མཚན་ཉིད་འཛིན། །ཏི་ག་དེ་ཞི་ང་དྲུག་ནི། །དོན་དམ་སྟོང་པ་དྲུག་བསྟན་པ། །དོན་དམ་སྟོང་པའི་མཆོག་ལྡན་པས། །བླ་མེད་འབྲས་བུ་ཐོབ་པ་ནི། །ཀུན་རྫོབ་བདེན་སྟོང་མཚན་ཉིད་འཛིན། །དེ་བཞིན་དོན་དམ་སྟོང་པ་ཡིས། །བླ་མེད་འབྲས་བུ་ཐོབ་པ་ནི། །ལོག་པར་མི་འགྱུར་མཚན་ཉིད་འཛིན། །དོན་དམ་ཡོངས་སུ་སྟོང་པ་ཡིས། །བླ་མེད་འབྲས་བུ་ཐོབ་པ་ནི། །ཐམས་ཅད་མཉམ་སྟོང་མཚན་ཉིད་འཛིན། །དོན་དམ་རབ་ཏུ་སྟོང་པ་ཡིས། །བླ་མེད་འབྲས་བུ་ཐོབ་པ་ནི། །དེ་ཉིད་སྟོང་རྟོགས་མཚན་ཉིད་འཛིན། །དོན་དམ་སྟོང་པ་ཆེན་པོ་ཡིས། །བླ་མེད་འབྲས་བུ་ཐོབ་པ་ནི། །མཉམ་ཉིད་བདེ་སྟོང་མཚན་ཉིད་འཛིན། །དོན་དམ་རྒྱ་ཆེ་སྟོང་པ་ཡིས། །བླ་མེད་འབྲས་བུ་ཐོབ་པ་ནི། །དོན་ལ་དམིགས་མེད་མཚན་ཉིད་འཛིན། །རུ་དྲོད་ཏེ་ཞི་ང་དྲུག་ནི། །རང་བཞིན་སྟོང་པའི་མཆོག་ལྡན་པས། །བླ་མེད་འབྲས་བུ་ཐོབ་པ་ནི། །ཀུན་ནས་སྟོང་པའི་མཚན་ཉིད་འཛིན། །དེ་ཉིད་རང་བཞིན་སྟོང་པ་ཡིས། །བླ་མེད་འབྲས་བུ་ཐོབ་པ་ནི། །རང་བཞིན་རྒྱུ་སྟོང་མཚན་ཉིད་འཛིན། །རང་བཞིན་ཡོངས་སུ་སྟོང་པ་ཡིིས། །བླ་མེད་འབྲས་བུ་ཐོབ་པ་ནི། །མི་གནས་སྟོང་པའི་མཚན་ཉིད་འཛིན། །རང་བཞིན་རབ་ཏུ་སྟོང་པ་ཡིས། །བླ་མེད་འབྲས་བུ་ཐོབ་པ་ནི། །ཅི་བཞིན་མེད་སྟོང་མཚན་ཉིད་འཛིན། །རང་བཞིན་སྟོང་པ་ཆེན་པོ་ཡིས། །བླ་མེད་འབྲས་བུ་ཐོབ་པ་ནི། །སྤང་མེད་ཀུན་སྟོང་མཚན་ཉིད་འཛིན། །རྒྱ་ཆེ་རང་བཞིན་སྟོང་པ་ཡིས། །བླ་མེད་འབྲས་བུ་ཐོབ་པ་ནི། །སྟོང་ཞིང་མི་དམིགས་མཚན་ཉིད་འཛིན། །རུ་དྲོད་མ་མིན་ང་དྲུག་ནི། །རང་བཞིན་མེད་སྟོང་དྲུག་བསྟན་པ། །རང་བཞིན་མེད་སྟོང་མཆོག་ལྡན་པས། །བླ་མེད་འབྲས་བུ་ཐོབ་པ་ནི། །རྟོག་མེད་སྟོང་པའི་མཚན་ཉིད་འཛིན། །དེ་བཞིན་རང་བཞིན་མེད་སྟོང་པས། །བླ་མེད་འབྲས་བུ་ཐོབ་པ་ནི། །འགག་མེད་སྟོང་པའི་མཚན་ཉིད་འཛིན། །རང་བཞིན་ཡོངས་སུ་མེད་སྟོང་པས། །བླ་མེད་འབྲས་བུ་ཐོབ་པ་ནི། །སྐྱེ་མེད་སྟོང་པའི་མཚན་ཉིད་འཛིན། །རང་བཞིན་མེད་རབ་སྟོང་པ་ཡིས། །བླ་མེད་འབྲས་བུ་ཐོབ་པ་ནི། །ཅིར་ཡང་མ་གྲུབ་མཚན་ཉིད་འཛིན། །རང་བཞིན་མེད་སྟོང་ཆེན་པོ་ཡིས། །བླ་མེད་འབྲས་བུ་ཐོབ་པ་ནི། །སྟོང་ལ་མ་སྤངས་མཚན་ཉིད་འཛིན། །རྒྱ་ཆེ་རང་བཞིན་མེད་སྟོང་པས། །བླ་མེད་འབྲས་བུ་ཐོབ་པ་ནི། །ཀུན་སྟོང་མི་དམིགས་མཚན་ཉིད་འཛིན། །ཁོ་མི་ངོ་ཅི་ང་དྲུག་ནི། །རང་གི་མཚན་ཉིད་དྲུག་བསྟན་པ། །རང་གི་མཚན་ཉིད་སྟོང་ལྡན་པས། །བླ་མེད་འབྲས་བུ་ཐོབ་པ་ནི། །མི་གཡོ་སྟོང་པའི་མཚན་ཉིད་འཛིན། །དེ་བཞིན་མཚན་ཉིད་སྟོང་པ་ཡིས། །བླ་མེད་འབྲས་བུ་ཐོབ་པ་ནི། །སོ་སོར་ཀུན་རྟོག་མཚན་ཉིད་འཛིན། །མཚན་ཉིད་ཡོངས་སུ་སྟོང་པ་ཡིས། །བླ་མེད་འབྲས་བུ་ཐོབ་པ་ནི། །མི་རྟག་སྟོང་པའི་མཚན་ཉིད་འཛིན། །རང་གི་མཚན་ཉིད་རབ་སྟོང་པས། །བླ་མེད་འབྲས་བུ་ཐོབ་པ་ནི། །འདུ་བྱེད་ཀུན་སྟོང་མཚན་ཉིད་འཛིན། །རང་གི་མཚན་ཉིད་ཆེར་སྟོང་པས། །བླ་མེད་འབྲས་བུ་ཐོབ་པ་ནི། །མཐའ་ཡས་སྟོང་པའི་མཚན་ཉིད་འཛིན། །རྒྱ་ཆེར་མཚན་ཉིད་སྟོང་པ་ཡིས། །བླ་མེད་འབྲས་བུ་ཐོབ་པ་ནི། །འདུ་ཤེས་མི་དམིགས་མཚན་ཉིད་འཛིན། །ལོ་སྔ་ལ་ཤུམ་ང་དྲུག་ནི། །ཐོག་མཐའ་མེད་སྟོང་དྲུག་བསྟན་པ། །ཐོག་མཐའ་མེད་སྟོང་མཆོག་ལྡན་པས། །བླ་མེད་འབྲས་བུ་ཐོབ་པ་ནི། །དུས་མཐའ་སྟོང་རྟོགས་མཚན་ཉིད་འཛིན། །ཐོག་མཐའ་མེད་པར་སྟོང་རྟོགས་པས། །བླ་མེད་འབྲས་བུ་ཐོབ་པ་ནི། །ལས་མཐའ་སྟོང་རྟོགས་མཚན་ཉིད་འཛིན། །ཐོག་མཐའ་ཡོངས་སུ་སྟོང་པ་ཡིས། །བླ་མེད་འབྲས་བུ་ཐོབ་པ་ནི། །འདི་ཞེས་མེད་སྟོང་མཚན་ཉིད་འཛིན། །ཐོག་མཐའ་རབ་ཏུ་སྟོང་པ་ཡི། །བླ་མེད་འབྲས་བུ་ཐོབ་པ་ནི། །དུས་གསུམ་ཀུན་སྟོང་མཚན་ཉིད་འཛིན། །ཐོག་མཐའི་དུས་ཆེན་སྟོང་པ་ཡིས། །བླ་མེད་འབྲས་བུ་ཐོབ་པ་ནི། །རྩེ་གཅིག་དུས་སྟོན་མཚན་ཉིད་འཛིན། །ཐོག་མཐའ་རྒྱ་ཆེན་སྟོང་པ་ཡིས། །བླ་མེད་འབྲས་བུ་ཐོབ་པ་ནི། །སྟོང་བྲལ་དམིགས་མེད་མཚན་ཉིད་འཛིན། །པ་༼བི་༽ཡིག་ཏ་རོད་ང་དྲུག་ནི། །དོར་མེད་སྟོང་པ་དྲུག་བསྟན་པ། །དོར་བ་མེད་སྟོང་མཆོག་ལྡན་པས། །བླ་མེད་འབྲས་བུ་ཐོབ་པ་ནི། །ལྷག་མཐོང་མེད་སྟོང་མཚན་ཉིད་འཛིན། །དེ་བཞིན་དོར་མེད་སྟོང་པ་ཡི། །བླ་མེད་འབྲས་བུ་ཐོབ་པ་ནི། །སྟོང་ལ་གསལ་རྫོགས་མཚན་ཉིད་འཛིན། །ཡོངས་སུ་དོར་བ་མེད་པ་ཡིས། །བླ་མེད་འབྲས་བུ་ཐོབ་པ་ནི། །མ་སྤངས་ཀུན་སྟོང་མཚན་ཉིད་འཛིན། །དོར་མེད་རབ་ཏུ་སྟོང་པ་ཡིས། །བླ་མེད་འབྲས་བུ་ཐོབ་པ་ནི། །འདུ་འབྲལ་མེད་སྟོང་མཚན་ཉིད་འཛིན། །དོར་མེད་ཆེན་པོར་སྟོང་པ་ཡིས། །བླ་མེད་འབྲས་བུ་ཐོབ་པ་ནི། །སྟོང་ལ་ཀུན་གནས་མཚན་ཉིད་འཛིན། །དོར་བ་རྒྱ་ཆེན་སྟོང་པ་ཡིས། །བླ་མེད་འབྲས་བུ་ཐོབ་པ་ནི། །གཏོང་བྲལ་མི་དམིགས་མཚན་ཉིད་འཛིན། །དམུ་ཧེར་དུ་ང་ང་དྲུག་ནི། །དངོས་མེད་སྟོང་པ་དྲུག་བསྟན་པ། །དངོས་མེད་སྟོང་པའི་མཆོག་ལྡན་པས། །བླ་མེད་འབྲས་བུ་ཐོབ་པ་ནི། །ཅིར་ཡང་མི་སྣང་མཚན་ཉིད་འཛིན། །དེ་བཞིན་དངོས་མེད་སྟོང་པ་ཡིིས །བླ་མེད་འབྲས་བུ་ཐོབ་པ་ནི། །དངོས་པོར་མི་འགྱུར་མཚན་ཉིད་འཛིན། །ཡོངས་སུ་དངོས་མེད་སྟོང་ལ་ཡིས། །བླ་མེད་འབྲས་བུ་ཐོབ་པ་ནི། །ཅིར་ཡང་མི་འགྱུར་མཚན་ཉིད་འཛིན། །རབ་ཏུ་དངོས་མེད་སྟོང་པ་ཡིས། །བླ་མེད་འབྲས་བུ་ཐོབ་པ་ནི། །ཅིར་ཡང་མི་རྩོལ་མཚན་ཉིད་འཛིན། །དངོས་མེད་ཆེན་པོར་སྟོང་པ་ཡིས། །བླ་མེད་འབྲས་བུ་ཐོབ་པ་ནི། །ཀུན་སྟོང་དོན་ཁྱབ་མཚན་ཉིད་འཛིན། །དངོས་མེད་རྒྱ་ཆེན་སྟོང་པ་ཡིས། །བླ་མེད་འབྲས་བུ་ཐོབ་པ་ནི། །དངོས་པོར་མི་དམིགས་མཚན་ཉིད་འཛིན། །དམུ་ཏོར་མ་ངོ་ང་དྲུག་ནི། །དངོས་མེད་ངོ་བོ་དྲུག་བསྟན་པ། །དངོས་པོ་མེད་པའི་ངོ་བོ་ཉིད། །སྟོང་པ་ཆེན་པོའི་མཆོག་ལྡན་པས། །བླ་མེད་འབྲས་བུ་ཐོབ་པ་ནི། །སྟོང་ལ་མཐར་མི་ཆད་པ་ཡིས། །མཚན་ཉིད་དེ་བཞིན་འཛིན་པའོ། །དངོས་པོ་མེད་པའི་ངོ་བོ་ཉིད། །དེ་བཞིན་སྟོང་པའི་མཆོག་ལྡན་པས། །བླ་མེད་འབྲས་བུ་ཐོབ་པ་ནི །སྟོང་པ་མ་སྒྲིབ་མཚན་ཉིད་འཛིན། །དངོས་པོ་མེད་པའི་ངོ་བོ་ཉིད། །ཡོངས་སུ་སྟོང་པའི་མཆོག་ལྡན་པ། །བླ་མེད་འབྲས་བུ་ཐོབ་པ་ནི། །སྟོང་ལ་ཀུན་གསལ་མཚན་ཉིད་
